அகராதி நூல்கள்

வீரமாமுனிவரின் சதுரகராதி - தமிழின் முதல் அகராதி நூல் - 1732

பெப்ரியஸ் அகராதி - 1779 (தமிழின் இரண்டாவது அகராதி நூல்)

தமிழ் இலக்கியக் கலைச்சொல் அகராதி

தமிழிலக்கியக் குறியீடுகள் அகராதி

கணினி களஞ்சிய அகராதி

க்ரியாவின் தற்காலத் தமிழ் அகராதி

ஒரு மொழியில் உள்ள சொற்களை அகர வரிசைப்படித் தொகுத்து, அதற்கான பொருளைத் தரும் நூல்கள் ‘அகர முதலி’ என்றும் ‘அகராதி’ என்றும் அழைக்கப்படுகின்றன. அகரத்தை முதன்மையாகக் கொண்டு தொகுக்கப்பட்டுள்ளதால், ‘அகர முதலி’; அகரம் + ஆதி = அகராதி. தமிழில் பல்வேறு வகை அகராதி நூல்கள் பயன்பாட்டில் உள்ளன. வீரமாமுனிவர் இயற்றிய ‘சதுரகராதி’, தமிழின் முதல் அகராதி நூலாகக் கருதப்படுகிறது.

தமிழில் அகராதி நூல்கள் தோற்றம்

அகராதியின் பயன், ஒரு சொல்லுக்கு உரிய பல பொருள்களையும், அப்பொருள்களுக்குரிய பெயர் விளக்கங்களையும் தருவதாகும். பண்டைக் காலத்தில் இவை ‘நிகண்டுகள்’ என அழைக்கப்பட்டன. நிகண்டுகள், அகராதிகள் தோன்ற அடிப்படைக் காரணமான நூல் தொல்காப்பியம். தொல்காப்பியர், தொல்காப்பியச் சொல்லதிகாரத்தின் உரியியலில், 120 உரிச்சொற்களின் பொருளை நூற்பாவில் அளித்துள்ளார் . இதனை அடிப்படையாகக் கொண்டே தொல்காப்பியர் காலத்திற்குப் பின் ‘உரிச்சொல் பனுவல்களும், நிகண்டுகளும் தோன்றின. இவையே காலமாற்றத்திற்கேற்ப விரிவு கொண்டு அகராதிகளாயின.

தமிழ் அகராதி நூல்களின் பட்டியல்

தமிழின் முதல் அகராதி நூல், வீரமாமுனிவர் இயற்றிய ‘சதுரகராதி’ இது பொதுயுகம் 1732-ல் உருவானது. இதனை அடுத்து, 1779-ல், பெப்ரிசியஸ் பாதிரியார், ‘பெப்ரிசியஸ் அகராதி'யைத் தொகுத்து வெளியிட்டார். தொடர்ந்து பல அகராதி நூல்கள் வெளியாகின.

எண்	ஆண்டு	அகராதியின் பெயர்	ஆசிரியர்/பதிப்பாளர்
1	1732	சதுரகராதி	வீரமாமுனிவர்
2	1779	பெப்ரிசியஸ் அகராதி	பெப்ரியஸ் பாதிரியார்
3	1834	ராட்லர் தமிழ் அகராதி (நான்கு பாகங்கள்)	ராட்லர்
4	1842	மானிப்பாய் அகராதி	யாழ்ப்பாணம், சந்திரசேகரபண்டிதர் & சரவணமுத்து பிள்ளை
5	1850	சொற்பொருள் விளக்கம்	அண்ணாசாமிப் பிள்ளை
6	1862	வின்ஸ்லோ-தமிழ் அகராதி	வின்ஸ்லோ
7	1869	போப்புத் தமிழ் அகராதி	ஜி.யு. போப்
8	1883	அகராதிச் சுருக்கம்	விஜயரங்க முதலியார்
9	1893	பேரகராதி	காஞ்சிபுரம் இராமசாமி நாயுடு
10	1897	தரங்கம்பாடி அகராதி (பெப்ரிசியசு அகராதியின் விரிவு)	பெப்ரியஸ் பாதிரியார்
11	1899	தமிழ்ப் பேரகராதி (வித்தியாரத்நாகர அச்சியந்திரசாலை)	நா. கதிரைவேற் பிள்ளை, யாழ்ப்பாணம்
12	1901	தமிழ்ப் பேரகராதி (நிரஞ்சனவிலாச அச்சியந்திர சாலை)	நா. கதிரைவேற் பிள்ளை, யாழ்ப்பாணம்
13	1904	தமிழ்ச் சொல்லகராதி (அகரம் மட்டும்)	கு. கதிரைவேற் பிள்ளை, யாழ்ப்பாணம்
14	1908	சிறப்புப் பெயர் அகராதி	ஈக்காடு இரத்தினவேலு முதலியார்
15	1909	இருபதாம் நூற்றாண்டுத் தமிழகராதி	பி. ஆர். இராமநாதன்
16	1910	அபிதான சிந்தாமணி	ஆ. சிங்காரவேலு முதலியார்
17	1910	தமிழ்ச் சொல்லகராதி-மூன்று தொகுதிகள் (மதுரைத் தமிழ்ச்சங்க வெளியீடு)	கு. கதிரைவேற்பிள்ளை
18	1911	தமிழ்மொழி அகராதி	காஞ்சி நாகலிங்க முனிவர்
19	1914	இலக்கியச் சொல்லகராதி	அ. குமாரசுவாமிப் பிள்ளை, சுன்னாகம்
20	1921	மாணவர் தமிழ் அகராதி	எஸ். அனவரதவிநாயகம் பிள்ளை
21	1924	சொற்பொருள் விளக்கம் என்னும் தமிழகராதி	ச. சுப்பிரமணிய சாஸ்திரி
22	1925	தற்காலத் தமிழ்ச்சொல் அகராதி	ச. பவானந்தம் பிள்ளை
23	1926	தமிழ் லெக்சிகன்	சென்னைப் பல்கலைக்கழகம்
24	1928	இளைஞர் தமிழ்க் கையகராதி	மே. வீ. வேணுகோபாலப் பிள்ளை
25	1935	ஜூபிலி தமிழ்ப் பேரகராதி	சங்கரலிங்க முதலியார்
26	1935	ஆனந்தவிகடன் அகராதி	ஆனந்தவிகடன் ஆசிரியர் குழு
27	1935	நவீன தமிழ் அகராதி	சி. கிருஷ்ணசாமிப் பிள்ளை
28	1937	மதுரைத் தமிழ்ப் பேரகராதி	பண்டிதர் பலர் - இ. மா. கோபாலகிருஷ்ணக் கோனார் வெளியீடு
29	1938	சொற்பிறப்பு ஒப்பியல் தமிழ் அகராதி	ரெ. எஸ். சுவாமி ஞானப்பிரகாசம்
30	1939	தமிழறிஞர் அகராதி	சி. கிருஷ்ணசாமிப் பிள்ளை
31	1939	தமிழமிழ்த அகராதி	சி.கிருஷ்ணசாமிப் பிள்ளை
32	1939	விக்டோரியா தமிழ் அகராதி	எஸ். குப்புஸ்வாமி
33	1940	கழகத் தமிழ்க் கையகராதி	சேலை சகதேவ முதலியார் & காழி சிவகண்ணுசாமிப்பிள்ளை
34	1950	செந்தமிழ் அகராதி	ந.சி. கந்தையாப் பிள்ளை
35	1951	கம்பர் தமிழ் அகராதி	வே. இராமச்சந்திர சர்மா
36	1955	சுருக்கத் தமிழ் அகராதி	கலைமகள் ஆபீஸ்
37	1955	கோனார் தமிழ் அகராதி (கையடக்கப் பதிப்பு)	ஐயன்பெருமாள் கோனார்
38	1957	தமிழ் இலக்கிய அகராதி	பாலூர். து. கண்ணப்ப முதலியார்
39	1964	கழகத் தமிழ் அகராதி	கழகப் புலவர் குழு-சைவ சித்தாந்த நூற்பதிப்புக் கழகம்
40	1969	லிஃப்கோ தமிழ்-தமிழ் அகராதி	லிஃப்கோ நிறுவணம்
41	1979	மணிமேகலைத் தமிழகராதி	மணிமேகலைப் பிரசுரம்
42	1980	தமிழ்ச் சுருக்கெழுத்து அகராதி	அனந்தநாராயணன்
43	1984	தமிழ்-தமிழ் அகரமுதலி	மு.சண்முகம்பிள்ளை (தொகுப்பாசிரியர்)
44	1984	செந்தமிழ்ச் சொற்பிறப்பியல் பேரகர முதலி	ஞா. தேவநேயப் பாவாணர்
45	1989	தமிழ் இலக்கியக் கலைச்சொல் அகராதி	டாக்டர் ப. கோபாலன்
46	2009	தமிழிலக்கிய குறியீடுகள் அகராதி	அன்னிதாமசு, ஜெ. சரஸ்வதி
47	2010	பெருஞ்சொல்லகராதி	தமிழ்ப் பல்கலைக்கழகம், தஞ்சாவூர்

இவற்றில் க்ரியாவின் தற்காலத் தமிழ் அகராதி (தமிழ்-தமிழ்-ஆங்கிலம்) நூல் பதிப்பும், தமிழ் - தமிழ் அகரமுதலி நூலும் மிகுந்த வரவேற்பைப் பெற்ற ஒன்று.

பெருஞ்சொல்லகராதி

தமிழ் மற்றும் பிற துறை அகராதி நூல்கள்

அகராதி நூல்கள் தமிழ் இலக்கியம், இலக்கணம் சார்ந்து மட்டுமல்லாமல், சம்ஸ்கிருதம், ஆங்கிலம், வேதம், வேதாந்தம், சைவம், வைணவம், சைவ சித்தாந்தம், கணினி இயல், கணித இயல், வட்டார வழக்கு, மருத்துவம் எனப் பல துறைகள் சார்ந்தும் வெளிவந்தன.

தமிழில் பல தலைப்புகளில், பல்வேறு பிரிவுகளில் அகராதி நூல்கள் வெளிவந்தன. அவற்றில் சில நூல்களின் பட்டியல்:

எண்	பிற அகராதி நூல்கள்
1	அகராதியியல்
2	வேத அகராதி
3	வேதாந்த அகாரதி
4	வேதாகம அகராதி
5	சைவசித்தாந்த அகராதி
6	சைவசித்தாந்தக் கலைச்சொல் அகராதி
7	சைவ சித்தாந்த குறியீட்டுச் சொல்லகராதி
8	சமய சாத்திர அகராதி
9	வைத்திய அகராதி
10	வைத்திய மலை அகராதி
11	வைத்திய மூலிகை அகராதி
12	மூலிகை அகராதி
13	விலங்கியல் அகராதி
14	பழமொழி அகராதி
15	பெரிய புராண சிறப்புப் பெயர் அகராதி
16	வாகட அகராதி
17	எதிர்ப்பத அகராதி
18	கலைச்சொல் அகராதி உயிர் நூல்
19	வேத உரிச்சொல் அகராதி
20	பல்பொருள் அகராதி
21	மணி அகராதி
22	கல்வெட்டுச் சொல்லகராதி
23	கல்வெட்டு கலைச்சொல் அகரமுதலி
24	அகராதி நிகண்டு
25	கணினி கலைச்சொல் களஞ்சிய அகராதி
26	கணினி களஞ்சிய அகராதி
27	ரேடியோ அகராதி
28	அறிவியல் அகராதி
29	கணிதவியல் கலைச்சொல் அகராதி
30	தமிழ் வேளாண் கலைச்சொற்களின் வட்டார வேறுபாட்டு அகராதி
31	அறிவியல் தொழில்நுட்ப கலைசொல் களஞ்சிய அகராதி
32	இளைஞர் தமிழ்க் கையகராதி
33	சித்த மருத்துவ அகராதி
34	அனுபவ வைத்திய அகராதி
35	மருத்துவக் களஞ்சியப் பேரகராதி
36	மருத்துவச் சொற்பொருள் அகராதி
37	மருத்துவப் பெயரகராதி
38	திருக்குறள் அகராதி
39	திருமகள் தமிழ் கையடக்க அகராதி
40	திருமகள் தமிழ் கையகராதி
41	சிற்றிலக்கிய அகராதி
42	சொற்பிறப்பு - ஒப்பியல் தமிழ் அகராதி
43	சிற்றிலக்கியப் புலவர் அகராதி
44	ஐந்து மொழி அகராதி (தமிழ், ஆங்கிலம், பிரெஞ்ச், ஜெர்மன், இத்தாலியன்)
45	செந்தமிழ்ச் சொற்பொருட் களஞ்சியம் - 9 பாகங்கள்
46	தமிழ்ப் புலவர் அகராதி
47	தன்வந்திரி நிகண்டு என்னும் மூலிகைக் குண அகராதி
48	கௌரா தமிழ் அகராதி
49	கலைச்சொல் அகராதி
50	சோதிட அகராதி
51	சாரீரச் சொற்கள் அகராதி
52	நர்மதாவின் தமிழ் அகராதி
53	யாழ்ப்பாண அகராதி
54	நுட்பச் சொல் அகராதி
55	சிறப்புச் சொல் துணையகராதி
56	சிறப்புச் சொற்கள் துணை அகராதி
57	மூலிகைகள் மருத்துவ குண அகராதி
58	பச்சிலை மூலிகை அகராதி
59	திருக்குறட் பொருளகராதி
60	சமய சாத்திர அகராதி
61	சித்தர்கள் அருளிய வைத்திய மூலிகை அகராதி
62	முல்லை தமிழ் இலக்கிய அகராதி
63	திவ்யப் பிரபந்த அகராதி
64	நாலாயிர திவ்யப் பிரபந்த அகராதி
65	திவ்யப் பிரபந்த அருஞ்சொல் அகராதி
66	தமிழிலக்கியக் குறியீடுகள் அகராதி
67	கார்த்திகேயனி புதுமுறை அகராதி
68	இலக்கியவகை அகராதி
69	அறிஞர்கள் தமிழ் அகராதி
70	ஆட்சிச் சொற்கள் அகராதி
71	ஆட்சிச்சொல் இணைப்பகராதி
72	ஆட்சிச் சொல் அங்காடிச் சொல் அகராதி
73	சைகை மொழி அகராதி
74	மலை அகராதி
75	வணிகவியல் அகராதி
76	விலங்கியல் அகராதி
77	தலைமைச் செயலகச் சிறப்புச் சொற்கள் துணையகராதி
78	அணிகலன்கள் அகராதி
79	கணிப்பொறி அகராதி
80	கணிப்பொறிக் கலைச்சொல் அகராதி
81	கணினி களஞ்சியப் பேரகராதி
82	மின்னியல், மின்னணுவியல் கலைச்சொல் அகராதி
83	மணிமேகலை கணினி மகா அகாரதி
84	இண்டர்நெட் அகராதி
85	முஸ்லிம் பெயர் அகராதி
86	தமிழ் இலக்கிய அறபுச் சொல் அகராதி
87	நவீனத் தமிழ் அகராதி
88	தமிழ் அகராதிக் கலை
89	கழக ஆங்கிலத் தமிழ் அகராதி
90	வழக்குச் சொல் அகராதி
91	வழக்குச் சொல் விளக்க அகராதி
92	விளையாட்டுத்துறை கலைச்சொல் அகராதி
93	சுருக்கத் தமிழ் அகராதி
94	முல்லைப் பாட்டு ஆராய்ச்சி அகராதி
95	தொல்காப்பிய அகராதி
96	எதிர்ப்பத அகராதி
97	எதுகை அகராதி
98	அடுக்குமொழி அகராதி
99	அயற் சொல் அகராதி
100	ஆங்கில மருத்த்துவச் சொல் அகராதி
101	ஆங்கிலச் சொற்களுக்கான பல்பொருள் அகராதி
102	ஆங்கில மற்றும் தென்னக மொழிகளுக்கான அகராதி
103	சித்தர்களின் தமிழ் அகரமுதலி
104	தமிழ் வேதாகம வாக்கிய அகராதி
105	புதிய ஏற்பாடு சொல் பொருள் வேத அகராதி
106	ஆன்மிக அகராதி
107	இலக்கண அகராதி
108	இயற்பியல் அகராதி
109	பொது கைத்தொழில் சிறப்பகராதி
110	இணைச்சொல் அகராதி
111	கலைச்சொல் அகராதி - புள்ளியியல்
112	கலைச்சொல் அகராதி - பொருளாதாரம்
113	கலைச்சொல் அகராதி - புவியியல்
114	கலைச்சொல் அகராதி -பௌதிகம்
115	கலைச்சொல் அகராதி - வேதிப் பொது அறிவு
116	கலைச்சொல் அகராதி - வானநூல்
117	இணைச்சொல் எதிர்ச்சொல் அகராதி
118	கரிசல் வட்டார வழக்குச் சொல் அகராதி
119	கலைவாணன் மாணவர் மொழியாக்க அகராதி
120	அறந்தாங்கி வட்டார வழக்குச் சொல் அகராதி
121	கடற்கரைப் பரதவர் கலைச்சொல் அகராதி
122	தற்காலத் தமிழ் மரபுத்தொடர் அகராதி
123	நடுநாட்டுச் சொல்லகராதி
124	சட்டச் சொல் அகராதி
125	இந்து மத அகராதி
126	தஞ்சைப் பெருவுடையார் கோயில் கல்வெட்டு அகராதி
127	வைணவக் கலைச்சொல் அகராதி
128	ஆங்கிலம் தமிழ் அகராதி
129	தமிழ் ஸ்ம்ஸ்க்ருத கையகராதி
130	தமிழ் ஹிந்தி வழக்குச் சொல் அகராதி
131	ஸ்ம்ஸ்க்ருத தமிழ் அகராதி
132	மணிமேகலை ஆங்கில ஆங்கிலத் தமிழ் அகராதி
133	தமிழில் புதியமுறை அகராதி
134	பிறமொழி தமிழ் மொழி அகரமுதலி
135	டச்சு - தமிழ் அகராதி
136	செருமன் - தமிழ் அகராதி
137	தமிழ் தமிழ் அகராதி
138	தமிழ்ச் சொற்றொடர் அகராதி
139	உருது - தமிழ் அகராதி
140	அல்ஜமீல் தமிழ் - அரபு அகராதி
141	ஃகாமூஸ் அல்-அலிஃப் - அரபிமொழி தமிழ் சொல்லகராதி
142	வடசொல் தமிழ் அகரவரிசைச் சுருக்கம்
143	தமிழ் - வங்காளி - ஆங்கில அகராதி
144	தற்காலத் தமிழ்ச் சொற்சேர்க்கை அகராதி
145	தமிழ் அகராதிக் கலை
146	பாரி தமிழ் அகராதி
147	பால்ஸ் அகராதி
148	பொருளியல் அகராதி
149	மாணவர் தமிழ் அகராதி
150	மாணவர் கையடக்க ஆங்கிலத் தமிழ் அகராதி
151	மூலிகையின் மறைபொருள் குண அகராதி
152	மெய்யப்பன் தமிழ் அகராதி (மெகா பதிப்பு)

உசாத்துணை

• தமிழ் தமிழ் அகரமுதலி: தமிழ் இணையக் கல்விக்கழகம்
• அகராதி நூல்கள்: ஆர்கைவ் தளம்
• அகராதி நூல்கள்: தமிழ் இணைய மின்னூலகம்
• தமிழின் முதல் அகராதி - சதுரகராதி: தமிழ் இணைய மின்னூலகம்
• தமிழ் அகராதிக் கலை: சுந்தர சண்முகனார்
• பல்துறை அகராதி நூல்கள்

‎

---

✅Finalised Page