யூமா வாசுகி

வாசுகி என்ற பெயரில் உள்ள மற்ற பக்கங்களைப் பார்க்க: வாசுகி (பெயர் பட்டியல்)

யூமா வாசுகி (நன்றி: தன்னறம் நூல்வெளி)

யூமா வாசுகி

யூமா வாசுகி (தி. மாரிமுத்து) (பிறப்பு: ஜூன் 23, 1966) தமிழில் எழுதிவரும் கவிஞர், எழுத்தாளர், மொழிபெயர்ப்பாளர், ஓவியர், சிறுவர் இலக்கியப் படைப்பாளர், பதிப்பாளர், இதழாளர். ஓ.வி. விஜயனின் 'கசாக்கிண்ட இதிகாசம்' நாவலைத் தமிழில் மொழிபெயர்த்ததற்காக 2017-ல் சாகித்ய அகாதமி விருது பெற்றார். நவீனத்தமிழ்க்கவிதையில் ஒலிநயம், கட்டற்ற பித்துநிலை, சொற்கோவைகளின் புதுமை காரணமாக கவனிக்கப்பட்ட கவிதைகளை எழுதினார்.

பிறப்பு, கல்வி

யூமா வாசுகியின் இயற்பெயர் தி. மாரிமுத்து. யூமா வாசுகி தஞ்சாவூர் மாவட்டம், திருவிடைமருதூரில் T.R. தினகரன், ரமணியம்மாள் இணையருக்கு ஜூன் 23, 1966-ல் பிறந்தார். சிறுவயதிலேயே தந்தையை இழந்தார். உடன்பிறந்தவர்கள் அக்கா வாசுகி, அண்ணன்கள் ராமதுரை, மாதவன்.

பட்டுக்கோட்டை அரசினர் ஆண்கள் மேல்நிலைப் பள்ளியில் பள்ளிக்கல்வி பயின்றார். கும்பகோணம் அரசினர் கலைத் தொழிற் கல்லூரியில் (Government College of Arts and crafts) ஓவியக் கலையில் ஐந்தாண்டு பட்டயப் படிப்பை (DIPLOMA IN FINE ARTS) 1990-ல் நிறைவு செய்தார்.

தனி வாழ்க்கை

யூமா வாசுகி செப்டம்பர் 17, 2003-ல் தெய்வப்பிரியாவை மணந்தார். மகன் அன்பரசன்.

ஓவியம்

யூமா வாசுகி கோட்டோவியங்கள் வரைந்தார். தன் ஓவியங்களைத் தொகுத்து 'Marooning Thickets' என்ற நூலாக வெளியிட்டார். தினமணி நாளிதழின் ஞாயிறு இணைப்பிதழ் 'தினமணி கதிர்' இதழில் பல்லாண்டுகள் சுதந்திர ஓவியராக சித்திரங்கள் வரைந்தார். மேலும், 'இந்தியா டுடே', 'தாமரை', 'புதிய பார்வை' உள்ளிட்ட பத்திரிகைகளில் இவரது சித்திரங்கள் வெளியாகியுள்ளன. எழுத்தாளர் இரா. முருகனின் முதல் படைப்பான 'ஒரு கிராமத்து பெண்ணின் தலைப்பிரசவம்' என்ற கவிதை நூலுக்கு கவிதைகளுக்கு ஏற்றவாறு ஓவியங்கள் வரைந்தார்.

பங்கேற்ற ஓவியக் காட்சிகள்

• படப்பை ஆர்ட்ஸ் அன்ட் கிராப்ட்ஸ் நடத்திய ஓவியக் காட்சி (1995)
• REGIONAL ART EXHIBITION (1996)
• REGIONAL ART EXHIBITION (1997)

தனிநபர் ஓவியக் காட்சி

2003-ல் தமிழ்நாடு ஓவிய நுண்கலைக் குழுவின் நிதி உதவியுடன் பட்டுக்கோட்டையில் தனிநபர் ஓவியக் காட்சி ஏழு தினங்கள் நடத்தப்பட்டது.

இதழியல்

கணையாழி, ’புதிய பார்வை’, ’சொல்புதிது’, ‘புதிய புத்தகம் பேசுது’, தாமரை ஆகிய இதழ்களின் ஆசிரியர் குழுவில் யூமா வாசுகி இருந்தார். தமிழ்நாடு அறிவியல் இயக்கத்தின் 'துளிர்' இதழின் ஆசிரியர் குழுவில் இருந்தார். 'மழை' என்ற சிற்றிதழை நடத்தினார். ‘பாடம்’ மாத இதழின் பொறுப்பாசிரியர். தினமணி ‘சிறுவர் மணி’ வார இதழின் பொறுப்பாசிரியர். ‘உங்கள் நூலகம்’ மாத இதழ் மற்றும் ‘வண்ண நதி’ என்ற சிறார் மாத இதழின் பொறுப்பாசிரியர்.

குதிரை வீரன் பயணம்

யூமா வாசுகி குதிரை வீரன் பயணம் என்ற இலக்கியச் சிற்றிதழை பத்தாண்டுகளாக நடத்தினார். பத்து இதழ்கள் வெளியாகின. சுந்தர ராமசாமி, பெருமாள் முருகன், பிரம்மராஜன் ஆகியோரின் படைப்புகள் இதில் வெளியாகின.

இலக்கிய வாழ்க்கை

யூமா வாசுகியின் முதல் படைப்பான ’பிறப்பு’ என்ற கவிதை ‘முன்றில்’ இதழில் டிசம்பர் 1990-ல் வெளியானது. முதல் நூல் ’உனக்கும் உங்களுக்கும்’ கவிதைத் தொகுப்பு 1993-ல் வெளியானது. முதல் மொழிபெயர்ப்பு நூல் பேராசிரியர் எஸ். சிவதாஸின் ’உமாக்குட்டியின் அம்மாயி’ என்ற மலையாள சிறார் நாவலின் தமிழ் மொழியாக்கம். 'குடும்ப உறவுகளின் குரூரத்தையும் அங்கே இயல்பாக வெளிப்படும் மனித நேயத்தையும், அன்பையும், பாசத்தையும் பேசிய ரத்த உறவு நாவல் 'Blood Ties' என்ற பெயரில் ஆங்கிலத்தில் மொழியாக்கம் செய்யப்பட்டது. 'தோழமை இருள்', 'இரவுகளின் நிழற்படம்', 'அமுத பருவம்', 'வலம்புரியாய் அணைந்ததொரு சங்கு' ஆகிய கவிதைத் தொகுப்புகளும், உயிர்த்திருத்தல்' எனும் சிறுகதைத் தொகுப்பும் வெளிவந்தன.

'மஞ்சள் வெயில்' என்ற மெல்லிய கவிதை நடையின் எழுதப்பட்ட நாவல் பேசப்பட்டது. தனது சென்னை வாழ்க்கை அனுபவங்களை 'சுதந்திர ஓவியனின் தனிக் குறிப்புகள்' என்ற தலைப்பில் நாவலாக எழுதினார்.

மொழிபெயர்ப்புகள்

தஸ்தயேவ்ஸ்கியின் 'நினைவுக்குறிப்புகள்', டால்ஸ்டாய் எழுதிய 'நிகிதாவின் இளம்பருவம்', அல்பேனிய நாவலான 'பெனி எனும் சிறுவன்' ஆகியவற்றைத் தமிழில் மொழிபெயர்த்தார். எஸ். சிவதாஸின் ‘மாத்தன் மண்புழுவின் வழக்கு', ஓ.வி. விஜயனின் ‘கஸாக்குகளின் இதிகாசம்', பத்மாலயாவின் 'கடல் கடந்த பல்லு', ஜானு எழுதிய 'பூமிக்கு வந்த விருந்தினர்கள்', பய்யனூர் குஞ்ஞிராமன் எழுதிய 'ஒற்றைக்கால் நண்டு' ஆகியவை அவர் மலையாளத்திலிருந்து தமிழுக்கு மொழிபெயர்த்த படைப்புகள். சாகித்ய அகாதெமிக்காக மலையாளச் சிறுகதைகளை மொழியாக்கம் செய்து 'ஸ்ரீராமன் கதைகள்' என்ற பெயரில் வெளியிட்டார்.

சிறார் கதைகள்

யூமா வாசுகி சிறார் கதைகள் பல எழுதினார். சிறார் நூல்களை மொழிபெயர்த்தார். குழந்தைகள் குறித்து இவர் எழுதிய கவிதைகள் தொகுக்கப்பட்டு ”சாத்தானும் சிறுமியும்” எனும் நூலாக வெளியானது. 'பூக்கதைகள்', 'மின்மினிக்காடு', 'ஒரு குமிழின் கதை', 'ஆண்பிள்ளையார் பெண்பிள்ளையார்', 'மரகதநாட்டு மந்திரவாதி', 'பனிமலை நாடு', 'ஒட்டகக்கண்', 'வானில் பறவையின் கதை', 'உலகைக் குலுக்கிய பத்து நாட்கள்', 'நிறம் மாறிய காகம்', 'அன்பின் வெற்றி' ஆகியவை இவர் எழுதிய குறிப்பிடத்தகுந்த சிறார் கதைகள்.

யூமா வாசுகி மலையாளம் வழியாகவும் மலையாளத்தில் இருந்தும் நூற்றுக்கும் மேற்பட்ட சிறார் இலக்கியப் படைப்புகளை தமிழாக்கம் செய்துள்ளார். இவை தமிழ் சிறார் இலக்கியத்தின் முக்கியமான பகுதியாக கருதப்படுகின்றன.

பதிப்பாளர்

யூமா வாசுகி பதிப்பாசிரியராக இருந்து பல நூல்களின் மறுபதிப்புகளைக் கொணர்ந்தார். 'குறும்பன்' (ரஷ்ய நாவல்), 'வாழ விருப்பம் முதலிய கதைகள்' (ரஷ்யச் சிறுகதைகள்), 'வெண்ணிற இரவுகள்' (ரஷ்ய குறுநாவல்), 'சூதாடி' (ரஷ்ய நாவல்), 'காட்டுக்குள்ளே மான்குட்டி', 'விளையாட்டுப் பிள்ளைகள்' (ரஷ்ய சிறார் கதைகள்), 'நீச்சல் பயிற்சி' (ரஷ்ய சிறார் கதைகள்), 'சுங்கான்' (ரஷ்யச் சிறுகதைகள்), 'கிளுக்கி' (சிறுகதைகள்), 'பாப்லோ அறிவுக்குயில் சிறுகதைகள்', 'நவீனகால அரபிக் கதைகள்', 'நவீனகால அரபி உரைநடை இலக்கியம்', 'வரையலாம் வாங்க' (குழந்தைகளுக்கான ஓவிய பயிற்சிப் புத்தகம்), 'எறும்பும் புறாவும்' (குட்டிக்கதைகள்) ஆகிய நூல்களின் பதிப்பாசிரியர்.

இலக்கிய இடம்

யூமா வாசுகி மொழிபெயர்ப்பாளர், கவிஞர், புனைவிலக்கியவாதி என்னும் மூன்று நிலைகளில் தமிழில் பங்களிப்பாற்றியிருக்கிறார். மலையாளத்தில் இருந்தும் மலையாளம் வழியாகவும் ஏராளமான குழந்தையிலக்கியங்களை தமிழாக்கம் செய்து வெளியிட்டு தமிழ் குழந்தையிலக்கியத்துக்குப் பெரும்பங்களிப்பாற்றியிருக்கிறார். ”நவீனத்தமிழ்க்கவிதையில் ஒலிநயம், கட்டற்ற பித்துநிலை, சொற்கோவைகளின் புதுமை காரணமாக மிகவும் கவனிக்கப்பட்டவை யூமா வாசுகியின் கவிதைகள். இவருடைய முதல்நாவல் ‘ரத்த உறவு’ குடும்ப உறவுகளிலுள்ள வன்முறையையும் கனிவையும் சித்தரிப்பது. தமிழில் பெரிதும் பேசப்பட்ட படைப்பு” என எழுத்தாளர் ஜெயமோகன் மதிப்பிடுகிறார்.

விருதுகள்

• ரத்த உறவு தமிழ்நாடு அரசின் தமிழ் வளர்ச்சித் துறையின் 2000-ல் சிறந்த நூல்களில் நாவல் எனும் வகைப்பாட்டில் பரிசு பெற்றது.
• ’இரவுகளின் நிழற்படம்’ கவிதை நூலுக்கு தமிழ் வளர்ச்சித்துறை பரிசு(2001)
• ’இரவுகளின் நிழற்படம்’ கவிதை நூலுக்கு தமிழ் வளர்ச்சித்துறை பரிசு(2001)
• தமிழ்நாடு கலை இலக்கியப் பெருமன்றப் பரிசு - 2006 (‘மரகத நாட்டு மந்திரவாதி’ மொழிபெயர்ப்பு நூலுக்காக)
• என்.சி.பி.எச் வழங்கிய மொழிபெயர்ப்புக்கான தொ.மு.சி. ரகுநாதன் விருது பெற்றார்.
• தமிழ்நாடு கலை இலக்கியப் பெருமன்றப் பரிசு - 2013 (‘அவனது நினைவுகள்’ மொழிபெயர்ப்பு நூலுக்காக)
• இலக்கியவீதி அமைப்பின் அன்னம் விருது - 2014 (படைப்பிலக்கிய, மொழிபெயர்ப்புச் செயல்பாட்டுக்காக)
• ‘கண்ணாடிக் கல்லறை’ மொழிபெயர்ப்பு நூலுக்காக 2014-ல் தமிழ் வளர்ச்சித்துறை பரிசு
• நல்லி திசை எட்டும் மொழியாக்கம் விருது 2014 (ரோமாபுரி யாத்திரை நூலுக்காக)
• ‘அழகான அம்மா’ மொழிபெயர்ப்பு நூலுக்காக 2015-ல்தமிழ் வளர்ச்சித்துறை பரிசு
• ‘கசாக்கின் இதிகாசம்’ நாவலுக்கு, 2015-ம் ஆண்டின் சிறந்த மொழிபெயர்ப்புக்கான விகடன் விருது வழங்கப்பட்டது.
• ஜெயந்தன் படைப்பிலக்கிய விருது 2015

• ஓ.வி. விஜயனின் ”கசாக்கிண்ட இதிகாசம்” நாவலை தமிழில் மொழிபெயர்த்ததற்காக 2017-ல் சாகித்ய அகாதமி மொழியாக்க விருது பெற்றார்.
• இந்தோ சோவியத் நட்புறவுக்கழக விருது- இஸ்கஸ் 2018
• 2018-ல் தமிழ் வளர்ச்சித்துறை பரிசு
• கோவை விஜயாபதிப்பகம் கவிஞர் மீரா விருது 2018
• 2019-ல் மா.அரங்கநாதன். சிறந்த மொழிபெயர்ப்பாளர் விருது
• தன்னறம் இலக்கிய விருது - 2021
• படைப்புக்குழுமம் மொழியாக்க விருது 2021
• கலை பண்பாட்டுத்துறையின், ‘சிறந்த கலை நூலாசிரியர் விருது’ (Marooning Thickets கோட்டோவியத் தொகுப்பு நூலுக்காக – 2023
• ஒ.வி. விஜயனின் ‘கசாக்கின்டெ இதிகாசம்’ நாவலை மொழிபெயர்த்ததற்காக, கேரள அரசின் கலாசார அமைப்பு வழங்கிய பாராட்டுப் பத்திரம் - 2023
• சிறார் இலக்கியப்படைப்புக்காக 2024-ம் ஆண்டுக்கான சாகித்ய அக்காதமி பாலபுரஸ்கார் விருது பெற்றார்

ஆவணப்படம்

2021-ல் தன்னறம் இலக்கிய விருது விழாவை ஒட்டி யூமா வாசுகிக்கான ஆவணப்படம் வெளியிடப்பட்டது.

நூல் பட்டியல்

கவிதைத் தொகுப்பு

• உனக்கும் உங்களுக்கும்
• தோழமை இருள்
• இரவுகளின் நிழற்படம்
• அமுத பருவம் வலம்புரியாய் அணைந்ததொரு சங்கு (2001)
• யூமா வாசுகி கவிதைகள் (தன்னறம், 2021)
• என் தந்தையின் வீட்டை சந்தையிடமாக்காதீர் (நியூ செஞ்சுரி புக் ஹவுஸ், 2008)
• நீர்த் திமில்களில் மினுங்கும் வலி படைப்பு பதிப்பகம் (2021)
• சாத்தானும் சிறுமியும் குதிரைவீரன் பயணம் வெளியீடு (2012)
• கசங்கல் பிரதி (முழு கவிதைத் தொகுப்பு) (தமிழினி வெளியீடு, 2019)

நாவல்

• ரத்த உறவு (தமிழினி பதிப்பகம், 2000)
• மஞ்சள் வெயில் (அகல் பதிப்பகம், 2006)

சிறுகதைத் தொகுப்பு

• உயிர்த்திருத்தல் (1999)

பிற

• ஒரு ரூபாய் டீச்சர் (பேட்டியாளராக இருந்து தொகுத்த நேர்காணல்களின் தொகுப்பு) (நியூ செஞ்சுரி புக் ஹவுஸ்) (2011)
• வலசை வெளியிடையில் (கட்டுரைகள்) (பாரதி புத்தகாலயம் வெளியீடு (2019)
• தூய கண்ணீர் (சிறார் கதை) (தன்னறம் நூல் வெளி) (2019)
• தன்வியின் பிறந்தநாள் (சிறார் கதைகள்) பாரதி புத்தகாலயம் (2022)
• தேநீர்க் குடில் (சிறார் கதை) தன்னறம் நூல்வெளி (2022)
• யூமா வாசுகி நேர்காணல்கள் (தேநீர் பதிப்பகம்) (2023)
• Tanvi’s Birthday (பாரதி புத்தகாலயம், 2023)
• MAROONING THICKETS (கோட்டோவியங்களின் தொகுப்பு) (தமிழினி பதிப்பகம், 2001)

மொழிபெயர்ப்பு

மலையாளத்திலிருந்து தமிழ்

• ஓ.வி. விஜயனின் ‘கஸாக்குகளின் இதிகாசம்
• ஸ்ரீராமன் கதைகள்

சிறார் நூல்கள்

• மரம் ஒரு வரம் (சுற்றுச்சூழல் குறித்த சித்திரப் புத்தகம்) (பாரஸ்ட் கோக்கரி, மார்ட்டி முல்லர், இந்திய வளர்ச்சி இயக்கம்) (AID INDIA - 1995)
• உமாகுட்டியின் அம்மாயி (மனிதனின் முடிவை அறிவியல்பூர்வமாக விளக்கும் நூல்) பேராசிரியர் எஸ். சிவதாஸ், தமிழ்நாடு அறிவியல் இயக்கம் (2006)
• எடிசனைப் பற்றிய சின்னஞ்சிறு கதைகள் (பி.பி.கே. பொதுவால், தமிழ்நாடு அறிவியல் இயக்கம் (2006)
• மின்மினிக்காடு (சுற்றுச்சூழல் பற்றிய நாவல்) (கே.கே. கிருஷ்ணகுமார், பாரதி புத்தகாலயம்) (2006)
• பூமிக்கு வந்த விருந்தினர்கள் (அறிவியல் புனைகதை) (ஜனு, பாரதி புத்தகாலயம்) (2006)
• பூக்கதைகள் (தேவிகா, பாரதி புத்தகாலயம்) (2006)
• மரகத நாட்டு மந்திரவாதி (எல். பிராங்போம் எழுதிய ‘விசார்ட் ஆஃப் ஓஸ்’ எனும் ஆங்கில நூலைத் தழுவி மலையாளத்தில் தேவிகா எழுதிய நூலின் மொழிபெயர்ப்பு) (பாரதி புத்தகாலயம்) (2006)
• முள்ளம்பன்றியின் கனவு (மலையாளச் சிறார் எழுத்தாளர் ஐவரின் கதைகள் அடங்கியது) தமிழ்நாடு அறிவியல் இயக்கம் வெளியீடு (2007)
• அழகியும் அரக்கனும் (உலகப் புகழ் பெற்ற சிறார் கதைகளின் தழுவல் வடிவம்) நியூ செஞ்சுரி புக் ஹவுஸ் (2007)
• ஒரு குமிழியின் கதை (கே.கே. கிருஷ்ணகுமார், பாரதி புத்தகாலயம் (2008)
• கால்நடை மருத்துவர் (மலையாளத்தின் முதல் கார்ட்டூன் நாவல்) (பிரபாகரன் பழச்சி, நியூ செஞ்சுரி புக் ஹவுஸ்) (2008)
• கடலோரத்தில் ஒரு சிறுவன் (ரஷ்ய நாவல்) (என். துபொவ், நியூ செஞ்சுரி புக் ஹவுஸ்) (2008)
• பிங்கோவும் விஜியும் (பீனா ஜார்ஜ், நியூ செஞ்சுரி புக் ஹவுஸ்) (2009)
• குட்டி இளவரசன் (அத்துவர்ன் து செந்த் எக்சுபெரி எழுதிய பிரெஞ்சு நாவலின் மலையாளத் தழுவல்) (ராமகிருஷ்ணன் குமரநல்லூர் – பாரதி புத்தகாலயம் (2009)
• யார் ஆண் குழந்தை? யார் பெண் குழந்தை? (கமலாபசின் எழுதிய நூலின் மலையாளத் தழுவல்) (கே.கே. கிருஷ்ணகுமார் – பாரதி புத்தகாலயம்) (2009)
• ஒற்றைக்கால் நண்டு (சிறுகதைகள்) (பய்யனூர் குஞ்ஞிராமன், பாரதி புத்தகாலயம்) (2010)
• சோனியாவும் டிசம்பர் ராஜாவும் (உலக நாடோடிக் கதைகள்) பாரதி புத்தகாலயம் (2010)
• கடல் கடந்த பல்லு (குட்டி அணிலின் சாகசப் பயணம்) ஏ.டி. பத்மாலயா – பாரதி புத்தகாலயம் (2010)
• நதியிலே விளக்குகள் (ரஷ்ய நாவல்) என். துபொவ் – நியூ செஞ்சுரி புக் ஹவுஸ் (2011)
• அன்பின் வெற்றி (குட்டிக்கதைகள்) (பாரதி புத்தகாலயம்) (2011)
• நிறம் மாறிய காகம் (சித்திரக்கதைகள்) பாரதி புத்தகாலயம் (2011)
• உலகைக் குலுக்கிய பத்து நாட்கள் (ரஷ்யப் புரட்சியின் சுருக்கமான வரலாறு) (வி.பத்மநாபன், பாரதி புத்தகாலயம்) (2011)
• பெரிய மரமும் சிறிய புல்லும் (உலக நாடோடிக் கதைகள்) (பாரதி புத்தகாலயம்) (2011)
• வானவில் பறவையின் கதை (உலக நாடோடிக் கதைகள்) (பாரதி புத்தகாலயம்) (2011)
• நதியைத் திருடிய கள்வன் (உலக நாடோடிக் கதைகள்) (நியூ செஞ்சுரி புக் ஹவுஸ்) (2012)
• அஞ்சி நடுங்குவது எப்படி (கிரிம் கதைகள்) (நியூ செஞ்சுரி புக் ஹவுஸ்) (2012)
• மரத்தின் அழைப்பு (மலையாளச் சிறார் கதைகள்) (பாரதி புத்தகாலயம்) (2012)
• மகிழ்ச்சியான இளவரசன் (சிறுகதைகள்) (ஆஸ்கார் வைல்டு, புலம் பதிப்பகம்) (2012)
• சிம்புவின் உலகம் (நாவல்) சி.ஆர். தாஸ் – பாரதி புத்தகாலயம் (2012)
• மணி முத்துக்கள் (மலையாளத்தின் புகழ் பெற்ற கார்டூன்கள்) (கருத்தும் சித்திரமும்: கே. சதீஷ், பாரதி புத்தகாலயம்) (2012)
• ஓநாயின் புத்தாண்டுக் கொண்டாட்டம் (ரஷ்ய சிறார் கதைகள்) பாரதி புத்தகாலயம் (2012)
• பினாச்சியோ (நாவல்) (கார்லோ கொலாடி, பாவை பதிப்பகம்) (2012)
• சிரிக்கும் ஆப்பிள் பேசும் திராட்சை (உலக நாடோடிக் கதைகள்) நியூ செஞ்சுரி புக் ஹவுஸ் (2013)
• ஏழு நிறப் பூ (ரஷ்ய சிறார் கதைகள்) நியூ செஞ்சுரி புக் ஹவுஸ் (2014)
• நாயின் கதை பிரேம்சந்த் பாரதி புத்தகாலயம் (2014)
• சார்லி சாப்ளின் பி.பி.கே. பொதுவால், பாரதி புத்தகாலயம் (2014)
• மாத்தன் மண்புழுவின் வழக்கு (நாவல்) (பேராசிரியர் எஸ். சிவதாஸ், பாரதி புத்தகாலயம்) (2014)
• ஹோய்டி டோய்டி (ரஷ்ய நாவல்) (ஏ.பெலயேப், பாரதி புத்தகாலயம்) (2014)
• வானவில் மனது (நாவல்) சதீஷ் கே. சதீஷ், பாரதி புத்தகாலயம் (2014)
• ஆண்டர்சன் கதைகள் பாரதி புத்தகாலயம் (2014)
• ஜேம்ஸ் வாட்டின் மந்திர எந்திரம் (பேராசிரியர் எஸ். சிவதாஸ், பாரதி புத்தகாலயம்)(2015)
• சூரியனும் சந்திரனும் நட்சத்திரங்களும் (உலக நாடோடிக் கதைகள்) (பாரதி புத்தகாலயம்( (2015)
• அழகான அம்மா (ரஷ்ய சிறார் கதைகள்) நியூ செஞ்சுரி புக் ஹவுஸ் (2015)
• புத்தக தேவதையின் கதை (நாவல்) (பேராசிரியர் எஸ். சிவதாஸ், பாரதி புத்தகாலயம்) (2015)
• பாலம் (தேர்ந்தெடுத்த மொழிபெயர்ப்புச் சிறுகதைகள்) எஸ்.ஆர்.வி. தமிழ்ப் பதிப்பகம் (2016)
• கண்ணாடி (தேர்ந்தெடுக்கப்பட்ட சிறுகதைகள்) (எஸ்.ஆர்.வி, தமிழ்ப் பதிப்பகம்) (2016)
• உயிர்களிடத்து அன்பு வேணும் (தேர்ந்தெடுக்கப்பட்ட மொழிபெயர்ப்புச் சிறுகதைகள்) எஸ்.ஆர்.வி. தமிழ்ப் பதிப்பகம் (2016)
• சாக்ரடீஸுக்கு விஷம் கொடுத்தது ஏன் (வரலாறு) எம்.எம். சசீந்திரன் – பாரதி புத்தகாலயம் (2018)
• பேரன்பின் பூக்கள் (சிறார் கதைகள்) பாரதிபுத்தகாலயம் (2018)
• தியா (சிறார் நாவல்) (பி.வி. சுகுமாரன், பாரதி புத்தகாலயம்) (2018)
• ஆசாவின் மண்ணெழுத்துகள் (தந்தைக்கும் மகளுக்குமிடையிலான கடிதப் பரிமாற்றம்) ஏ.கே. ஷிபுராஜ் - பாரதி புத்தகாலயம் (2018)
• சக்கரமும் சைக்கிளும் (அறிவியல் கட்டுரைகள்) பாரதி புத்தகாலயம் (2019)
• பறக்கும் திமிங்கிலம் (உலக நாடோடிக் கதைகள்) பாரதி புத்தகாலயம் (2019)
• சின்னச் சின்ன ஞானங்கள் (கட்டுரைகள்) (குரு நித்ய சைதன்ய யதி, தன்னறம் நூல்வெளி, குக்கூ காட்டுப்பள்ளி வெளியீடு) (2021)
• ஆர்.சி.சி.யில் அற்புதக் குழந்தைகள் (நாவல்) (கே.ராஜேந்திரன், பாரதி புத்தகாலயம் வெளியீடு) (2021)
• விடுபடும் சுடர் (இளையோர் நாவல்) (பி.வி. சுகுமாரன், பாரதி புத்தகாலயம் வெளியீடு) (2022)
• மீளும் நிறங்கள் (இளையோர் நாவல்) (பி.வி. சுகுமாரன், பாரதி புத்தகாலயம்) (2023)
• நதியில் நீர் வரும்போது (மலையாள சிறார் கதைகள்)(எஸ்.ஆர்.வி. தமிழ்ப் பதிப்பகம்)
• ஊஞ்சலாடும் பசுவம்மா (ஆதி வள்ளியப்பன், எஸ்.ஆர்.வி.தமிழ்ப் பதிப்பகம்)

பிற

• சிவப்புத் தலைக்குட்டை அணிந்த பாப்ளார் மரக் கன்று (ரஷ்ய நாவல்) (சிங்கிஸ் ஐத்மாத்தவ், அகல் பதிப்பகம்) (2006)
• ஒட்டகக்கண் (ரஷ்ய குறுநாவல்) (சிங்கிஸ் ஐத்மாத்தவ், நியூ செஞ்சுரி புக் ஹவுஸ், 2007)
• நிகிதாவின் இளம்பருவம் (ரஷ்ய தன்வரலாற்று நாவல்) (அலெக்ஸி டால்ஸ்டாய், நியூ செஞ்சுரி புக் ஹவுஸ், 2007)
• சேகுவேரா (மலையாள நாடகம்) (கரிவெள்ளூர் முரளி, நியூ செஞ்சுரி புக் ஹவுஸ்) (2008)
• சியாம் சுதாகர் கவிதைகள் (மலையாளக் கவிஞர் சியாம் சுதாகர் கவிதைகளின் மொழிபெயர்ப்பு) (நியூ செஞ்சுரி புக் ஹவுஸ்) (2008)
• கனவாக மாறிய கதை (லத்தீன் அமெரிக்க நாடோடிக் கதைகள்) (நியூ செஞ்சுரி புக் ஹவுஸ்) (2009)
• ஒகோனிக்கு எதிரான யுத்தம் (ஒகோனி (நைஜீரியா) புரட்சியாளர் ‘கென் சரோ விவா’வின் மரண வாக்குமூலம்) பயணி வெளியீட்டகம் (2009)
• லட்சத்தில் ஒருவன் (ரஷ்ய சிறார் கதைகள்) (ஷோலம் அலெய்க்கம் – அகல் பதிப்பகம்) (2010)
• இளங்கவிக்குக் கடிதங்கள் (ஜெர்மானியக் கவிஞர் ‘ரெய்னர் மரியா ரில்கே’ வின் கடிதங்கள்) (நியூ செஞ்சுரி புக் ஹவுஸ்) (2011)
• அகஸ்டஸ் (உலகச் சிறுகதைகள் பத்து) நியூ செஞ்சுரி புக் ஹவுஸ் (2011)
• நினைவுக் குறிப்புகள் (தஸ்தயேவ்ஸ்கியின் மனைவி அன்னா எழுதிய குறிப்புகள்) (பாரதி புத்தகாலயம்) (2011)
• பெனி எனும் சிறுவன் (அல்பேனிய நாவல்) (கிகோ. புளூஷி, பாரதி புத்தகாலயம்) (2012)
• அவனது நினைவுகள் (நாவல்) (தகழி சிவசங்கரப்பிள்ளை, நியூ செஞ்சுரி புக் ஹவுஸ்) (2012)
• தாத்ரிக்குட்டியின் ஸ்மார்த்த விசாரம் (ஆய்வு) (ஆலங்கோடு லீலா கிருஷ்ணன், சந்தியா பதிப்பகம்) (2012)
• பதினான்காவது அறை (ஆல்ஃபிரட் ஹிட்ச்காக் தொகுத்த மர்மக் கதைகள்) (நற்றிணை பதிப்பகம்) (2012)
• கறுப்பழகன் (பிளாக் பியூட்டி எனும் நாவலின் மொழிபெயர்ப்பு) (அன்னா சிவெல், பாரதி புத்தகாலயம்) (2012)
• பஷீர்: தனி வழியிலோர் ஞானி (பஷீரின் வாழ்க்கை வரலாறு) ￫ஆசிரியர்: எம்.கே. ஸாநு, பாரதி புத்தகாலயம்) (2013)
• கலிவரின் பயணங்கள் (ஜோனதன் ஸ்விப்ட், நியூ செஞ்சுரி புக் ஹவுஸ்) (2013)
• நித்ய கன்னி (சிறுகதைகள்) (தகழி சிவசங்கரப்பிள்ளை, நியூ செஞ்சுரி புக் ஹவுஸ்) (2013)
• என் கதை (சார்லி சாப்ளின் வாழ்க்கை வரலாற்றின் சுருக்கப் பதிப்பு) (சார்லி சாப்ளின் – நியூ செஞ்சுரி புக் ஹவுஸ்) (2013)
• வனத்துக்கும் நதிக்கும் செல்லும்போது… (ரித்விக் கட்டக் பற்றிய நூல்) (ஐ.சிவதாஸ், நியூ செஞ்சுரி புக் ஹவுஸ்) (2013)
• ரோமாபுரி யாத்திரை (மலையாளத்தில் எழுதப்பட்ட இந்தியாவின் முதல் பயண இலக்கியம்) (பாரேம்மாக்கல் கோவர்ணதோர், சந்தியா பதிப்பகம்) (2013)
• என் வாழ்க்கை தரிசனம் (சுற்றுச்சூழல் குறித்த நூல்) (பேராசிரியர் ஜான்சி ஜேக்கப், புலம் பதிப்பகம்) (2013)
• கூடங்குளம் திட்டத்தைப் புறக்கணிப்போம் (கேரள அறிவியல் இலக்கியப் பேரவையின் சிறு வெளியீடு) ￫பூவுலகின் நண்பர்கள் (2013)
• அடைபட்ட கதவுகளின் முன்னால்அனுஸ்ரீ திருவள்ளுவர் பெரியார் மானுட ஒன்றியம் (2014)
• கீதாஞ்சலி (ரவீந்திரநாத தாகூர் எழுதிய கீதாஞ்சலியின் மறு வடிவம்) (குரு நித்ய சைதன்ய யதி, நியூ செஞ்சுரி புக் ஹவுஸ்) (2014)
• கண்ணாடிக் கல்லறை (ஆல்ஃபிரட் ஹிட்ச்காக் தொகுத்த மர்மக் கதைகள்) நியூ செஞ்சுரி புக் ஹவுஸ் (2014)
• பூமியில் தனிமைக்கென்று ஓர் இடம் இல்லை செவ்விந்தியத் தலைவர் சியாட்டில் ￫பூவுலகின் நண்பர்கள் (2014)
• கசாக்கின் இதிகாசம் (மலையாள நாவல்) ஓ.வி. விஜயன் காலச்சுவடு பதிப்பகம் (2014)
• ரத்தம் விற்பவனின் சரித்திரம் (சீன நாவல்) யூ ஹுவா சந்தியா பதிப்பகம் (2014)
• சூபி கதைகள் ￫நல்ல நிலம் பதிப்பகம் (2014)
• வாடகைத் தொட்டில் (சோதனைக் குழாய் குழந்தை உருவாக்கத்தில் நடக்கும் முறைகேடுகள் குறித்த நூல்) ஜி. பிரஜேஷ்சென் நல்ல நிலம் பதிப்பகம் (2014)
• விளாதிமிர் இல்யீச் லெனின் (லெனினைப் பற்றிய நெடுங்கவிதை) மயாகோவ்ஸ்கி நியூ செஞ்சுரி புக் ஹவுஸ் (2015)
• சிரஞ்சீவி (அறிவியல் புனைகதைகள் இரண்டு) டாக்டர் பாலகிருஷ்ணன் செரூப்பா பாரதி புத்தகாலயம் (2015)
• பரலோக வசிப்பிடங்கள் (மாய எதார்த்தவாத வகைமையில் எழுதப்பட்ட மலையாள நாவல்) தோமஸ் ஜோசப் நியூ செஞ்சுரி புக் ஹவுஸ் (2016)
• அரிவாள் ஜீவிதம் (மலைவாழ் பழங்குடிகளுக்குப் பெரும் சவாலாக இருக்கும் அரிவாள் நோயைப் பற்றிய மலையாள நாவல்) ஜோஸ் பாழூக்காரன் நியூ செஞ்சுரி புக் ஹவுஸ் (2016)
• துனியா (குஜராத் கலவரம் குறித்த மலையாள நாவல்) ஷீபா இ.கே. நியூ செஞ்சுரி புக் ஹவுஸ் (2016)
• நீல லோகிதம் (மலையாளச் சிறுகதைகள்) ஷீபா இ.கே. – நியூ செஞ்சுரி புக் ஹவுஸ் (2016)
• சிவப்புக் கிளி (கன்னடக் கதை) வசுதேந்திரா பாரதி புத்தகாலயம் (2018)
• பாபா ஆம்தே: மனிதத்தின் திருத்தூதர் ￫கோபி ஆனயடி பாரதி புத்தகாலயம் (2018)
• வால்காவிலிருந்து கங்கைவரை ராகுல சாங்கிருத்தியாயன் நியூ செஞ்சுரி புக் ஹவுஸ் (2018)
• டேபிள் டென்னிஸ் (எழுத்தாளர் கோபிகிருஷ்ணன் அவர்களின் நேர்காணல்) பாரதி புத்தகாலயம் (2019)
• இலக்கியம் வாழ்க்கையைப் பாதிக்கும் சக்தி: எம்.டி.வாசுதேவன்நாயர் நேர்காணல் (நேர்கண்டவர்: என்.இ.சுதீர்) பாரதி புத்தகாலயம் (2019)
• நாபாம் சிறுமி (உலகப் புகழ்பெற்ற ஒளிப்படக்காரர் நிக் உட் அவர்களின் நேர்காணல்) பாரதி புத்தகாலயம் (2019)
• என் வாழ்க்கைக் கதை (மலையாள நடிகை கதீஜா அவர்களின் நேர்காணல்) பாரதி புத்தகாலயம் (2019)
• எல்லோரும் மறந்துட்டாங்க (சக்தி வை.கோவிந்தன் அவர்களது மகன் வை.கோ.அழகப்பன் பேட்டி) பாரதி புத்தகாலயம் (2019)
• புனிதப் பாவங்களின் இந்தியா (பயண இலக்கியம்) (அருண் எழுத்தச்சன், காலச்சுவடு பதிப்பகம்) (2022)

இணைப்புகள்

• யூமா வாசுகி நேர்காணல் - “சகலமும் கவித்துவமாகவே இருக்கின்றன”: ஷங்கர்ராமசுப்ரமணியன்
• யூமா வாசுகி: சிறுகதைகள் டாட் காம்
• யூமா வாசுகி கவிதைகள்: yatra
• இருத்தலியலும் கசாக்கின் இதிகாசமும் – கஸ்தூரிரங்கன்
• தன்னறம் இலக்கிய விருது | எழுத்தாளர் யூமா வாசுகி அனுபவநினைவுகளின் வாழ்வுரையாடல்
• யூமா வாசுகியின் இருவேறு உலகம் - ரத்த உறவு, மஞ்சள் வெயில்.

உசாத்துணை

• யூமா வாசுகி: அரவிந்த் சுவாமிநாதன்: தென்றல்

‎

---

✅Finalised Page

முதலில் வெளியிடப்பட்ட தேதி: 28-Apr-2024, 22:21:54 IST