இலக்கியச் சிந்தனை சிறந்த சிறுகதைகள்-1974

இலக்கியச் சிந்தனை அமைப்பு பிப்ரவரி 28, 1970-ல் தொடங்கப்பட்டது. இலக்கிய ஆர்வலர்களான ப. லட்சுமணன், ப. சிதம்பரம், ஆர். அனந்தகிருஷ்ண பாரதி மூவரும் இணைந்து சென்னையில் இவ்வமைப்பைத் தொடங்கினர். தமிழ் இதழ்களில் மாதந்தோறும் வெளிவரும் சிறுகதைகளில் சிறந்த சிறுகதையைத் தேர்ந்தெடுப்பதுடன், ஆண்டுதோறும் அவற்றைத் தொகுத்துப் புத்தகமாக இவ்வமைப்பு வெளியிட்டது. சிறந்த சிறுகதையை எழுதிய எழுத்தாளர் பரிசளித்துச் சிறப்பிக்கப்படுகிறார்.

இலக்கியச் சிந்தனை சிறுகதைகள் பட்டியல்-1974

மாதம்	சிறுகதைத் தலைப்பு	ஆசிரியர்	இதழ்
ஜனவரி	ஒரு ஜட்ஜ் ரிடையராகிறார்	பத்ரிநாத்	குமுதம்
பிப்ரவரி	தனுமை	வண்ணதாசன்	தீபம்
மார்ச்	வைராக்கியம்	சிவசங்கரி	தினமணி கதிர்
ஏப்ரல்	ஒரு வித்தியாமான பெண்	கண்ணபிரான்	கணையாழி
மே	கரையும் உருவங்கள்	வண்ணநிலவன்	தீபம்
ஜூன்	சிறிய வயதில் பெரிய அனுபவம்	கோவி. மணிசேகரன்	கல்கி
ஜூலை	முதல் பிறை	சு. மோகனசந்திரன்	செம்மலர்
ஆகஸ்ட்	நீலவானத்தில் வெள்ளை நாரைகள்	வெ. ஜானகி	கல்கி
செப்டம்பர்	சிவப்புச் சட்டை	தூன்	கல்கி
அக்டோபர்	உயிர்கள்	எழிலமுதன்	கணையாழி
நவம்பர்	சக்கரம் நிற்பதில்லை	ஜெயகாந்தன்	தினமணி கதிர்
டிசம்பர்	கருணை மனு	லிங்கன்	தாமரை

1974 -ஆம் ஆண்டின் சிறந்த சிறுகதை

1974-ம் ஆண்டின் சிறந்த சிறுகதையாக, வண்ணதாசன் எழுதிய ‘தனுமை’ தேர்ந்தெடுக்கப்பட்டது. சுஜாதா இக்கதையைத் தேர்ந்தெடுத்தார். மாதத்தின் சிறந்த சிறுகதையை வி.எம். முத்துராமலிங்கம் தேர்ந்தெடுத்தார்.

உசாத்துணை

• 1974 -ஆம் ஆண்டின் பன்னிரண்டு சிறந்த சிறுகதைகள்

‎

---

✅Finalised Page