இலக்கியச் சிந்தனை சிறந்த சிறுகதைகள்-1996

இலக்கியச் சிந்தனை சிறந்த சிறுகதைகள் தொகுப்பு-1996

இலக்கியச் சிந்தனை அமைப்பு பிப்ரவரி 28, 1970-ல் தொடங்கப்பட்டது. இலக்கிய ஆர்வலர்களான ப. லட்சுமணன், ப. சிதம்பரம், ஆர். அனந்தகிருஷ்ண பாரதி மூவரும் இணைந்து சென்னையில் இவ்வமைப்பைத் தொடங்கினர். தமிழ் இதழ்களில் மாதந்தோறும் வெளிவரும் சிறுகதைகளில் சிறந்த சிறுகதையைத் தேர்ந்தெடுப்பதுடன், ஆண்டுதோறும் அவற்றைத் தொகுத்துப் புத்தகமாக இவ்வமைப்பு வெளியிட்டது. சிறந்த சிறுகதையை எழுதிய எழுத்தாளர் பரிசளித்துச் சிறப்பிக்கப்படுகிறார்.

இலக்கியச் சிந்தனை சிறுகதைகள் பட்டியல்-1996

மாதம்	சிறுகதைத் தலைப்பு	ஆசிரியர்	இதழ்
ஜனவரி	தண்டனை	சுப்ரமணியன் ரவிச்சந்திரன்	கல்கி
பிப்ரவரி	மணற்பொதிகள்	அனுராதா ரமணன்	தாமரை
மார்ச்	ஒரு பயணம்	பி.சு. கைலாசம்	புதிய பார்வை
ஏப்ரல்	மெய்த் திருப்பதம் மேவு	பாரதி பாஸ்கர்	அமுதசுரபி
மே	இனிப்புத் திராவகம்	பாஸ்கர் சக்தி	புதிய பார்வை
ஜூன்	புது ஐயா	மேலாண்மை பொன்னுச்சாமி	ஆனந்த விகடன்
ஜூலை	தாக முள்	முருக சங்கரி	ஆனந்த விகடன்
ஆகஸ்ட்	அண்ணாசாலையில் ஒரு இந்தியன்	இரா. இரவிசங்கர்	ஆனந்த விகடன்
செப்டம்பர்	ஏன்?	ரிஷபன்	கல்கி
அக்டோபர்	பயணம்	பாவண்ணன்	இந்தியா டுடே
நவம்பர்	கசிவு	எஸ். சங்கரநாராயணன்	தினமணி கதிர்
டிசம்பர்	மாதவம் செய்திடல்	ஷராஜ்	கணையாழி (இதழ்)

1996-ம் ஆண்டின் சிறந்த சிறுகதை

1996-ம் ஆண்டின் சிறந்த சிறுகதையாக, இரா இரவிசங்கர் எழுதிய ‘அண்ணா சாலையில் ஒரு இந்தியன்’ தேர்ந்தெடுக்கப்பட்டது. லா.ச. ராமாமிர்தம் இக்கதையைத் தேர்ந்தெடுத்தார். மாதத்தின் சிறந்த சிறுகதையை செ. வைத்தியநாதன் தேர்வு செய்தார்.

உசாத்துணை

• இலக்கியச் சிந்தனையின் 1996-ம் ஆண்டு சிறந்த சிறுகதைகள்

‎

---

✅Finalised Page

முதலில் வெளியிடப்பட்ட தேதி: 31-Jan-2023, 06:07:35 IST