தமிழ்ச் சித்திரக் கதைகள் பட்டியல்: Difference between revisions

Revision as of 00:32, 9 October 2022

தமிழில் சிறார் நாவல் வளர்ச்சியில் சித்திரக் கதைகளுக்கு மிக முக்கிய பங்குண்டு. ஆங்கில காமிக்ஸ் இதழ்களின் அறிமுகத்தால் தமிழிலும் சித்திரக் கதைகளுக்கென்றே தனியாக இதழ்கள் ஆரம்பிக்கப்பட்டு வெளிவந்தன.

ராஜராஜ சோழன் சித்திரக் கதை

துப்பறியும் சுப்புடு (சுதேசமித்திரன் இதழ்)

சித்திரக் கதைகள் ஓர் அறிமுகம்

1948-ல் வெளிவந்த ‘டமாரம்’ இதழில் ‘சித்திரக் கதை’ இடம் பெற்றது. 1949-ல், ‘சித்திரக்குள்ளன்’ சிறுவர் இதழிலும் ’காட்டுச்சிறுவன் கண்ணன்', ‘வேதாள உலகத்தில் விச்சு’ போன்ற சித்திரக் கதைகள் வெளிவந்தன. இவையே தமிழின் முதல் சித்திரக் கதைகளாகக் கருதப்படுகின்றன. கண்ணன் சிறார் இதழில் 1950-ன் தீபாவளி மலரில் ‘இரு சகோதரர்கள்’ என்னும் முழுநீளச் சித்திரக்கதை இடம்பெற்றது. தொடர்ந்து பல சித்திரக் கதைகள் இவ்விதழில் தொடர்களாக வெளிவந்தன. சுதேசமித்திரன் வார இதழில், 1956-ல் ‘துப்பறியும் சுப்புடு’ என்ற சித்திரக்கதை தொடராக வெளிவந்தது. தொடர்ந்து ஆனந்த விகடன், 1956-ல்,’ ஜமீன்தார் மகன்' என்னும் படக்கதையைத் தொடராக வெளியிட்டது. அதற்குப் படம் வரைந்தவர் மாயா. தொடர்ந்து குமுதம், கல்கி, குங்குமம் போன்ற இதழ்களில் சித்திரங்களுடன் கூடிய கதைகள் வெளிவந்தன.

தமிழ்ச் சித்திரக் கதை இதழ்கள்

ஆங்கில காமிக்ஸ் இதழ்களின் அறிமுகத்தால், 1960-களில் தமிழில், சித்திரக் கதைகளுக்கென்றே தனியாக இதழ்கள் ஆரம்பிக்கப்பட்டு வெளிவந்தன.

1965-ல், ‘டைம்ஸ் ஆஃப் இந்தியா’ நிறுவனம் மேலைநாட்டுக் கதைகளைத் தமிழில் மொழிபெயர்த்து ‘இந்திரஜால் காமிக்ஸ்’ என்னும் பெயரில் வெளியிட்டது. 1967-ல், இந்தியன் புக் ஹவுஸ் நிறுவனம், ’அமர் சித்ர கதா’ என்னும் சித்திரக் கதைகளின் தொடர் வரிசையை வெளியிட்டது. தொடர்ந்து லயன் காமிக்ஸ், முத்து காமிக்ஸ், ராணி காமிக்ஸ், பார்வதி சித்திரக் கதை எனப் பல சித்திரக் கதை நூல்கள் வெளிவந்தன. வாண்டுமாமா, முல்லை தங்கராசன், ஸ்ரீகாந்த் போன்றோர் பல சித்திரக் கதைகளை எழுதினர். தமிழ்ப் பண்பாட்டில் அமைந்த சித்திரக் கதைகள், இந்தியாவின் பிற மொழி மக்களின் வாழ்க்கையைக் கூறும் சித்திரக் கதைகள், வெளிநாட்டுச் சித்திரக் கதைகள், மொழிபெயர்ப்புச் சித்திரக் கதைகள் எனப் பல வகைமைகளில் சித்திரக் கதைகள் வெளிவந்தன. வார, மாத இதழ்கள், சிறார்கள் இதழ்கள், நாளிதழ்களின் இணைப்பிதழ்கள் போன்றவையும் சித்திரக் கதைகளுக்கு முக்கியத்துவம் அளித்து வெளியிட்டன.

பொன்னியின் செல்வன் காமிக்ஸ்