மீனா கந்தசாமி
மீனா கந்தசாமி (பிறப்பு: 1984) ஆங்கிலத்தில் எழுதும் தமிழ் நாட்டைச் சேர்ந்த எழுத்தாளர், கவிஞர். தமிழிலிருந்து ஆங்கிலத்திற்கு மொழிபெயர்ப்புகள் செய்து வருகிறார்.
வாழ்க்கைக் குறிப்பு
மீனா கந்தசாமியின் இயற்பெயர் இளவேனில். சென்னை திருவல்லிக்கேணியில் கருப்பையா கந்தசாமி, வசந்தா இணையருக்கு 1984-ல் பிறந்தார். பெற்றோர்கள் இருவரும் பல்கலைக்கழகப் பேராசிரியர்கள். கேந்திரிய வித்தியாலயப் பள்ளியில் பள்ளிக்கல்வி பயின்றார். 2010-ல் சென்னை அண்ணா பல்கலைக்கழகத்தில் சமூக-மொழியியலில் முனைவர் பட்டம் பெற்றார்.
இலக்கிய வாழ்க்கை
மீன கந்தசாமி மீனா என்ற பெயரில் கவிதைகள் எழுதினார். அவரது முதல் கவிதைத் தொகுப்பு 'Touch' 2006-ல் கமலா தாஸின் முன்னுரையுடன் வெளியானது. இந்நூல் ஐந்து மொழிகளில் மொழிபெயர்க்கப்பட்டது. அவரது படைப்புகள் 'Mascara', 'My lover speaks of Rape' இரண்டும் இந்தியக் கவிதைப் போட்டியில் முதல் பரிசு பெற்றன. 'Ms Militancy' கவிதைத்தொகுப்பு 2010-ல் வெளியானது.
1968-ல் கீழ்வெண்மணி படுகொலையைப் பற்றி 'The Gypsy Goddess' (2014) என்னும் நாவலை ஆங்கிலத்தில் எழுதினார். இது இவரின் முதல் நாவல். இந்த நாவலின் தமிழாக்கம் 'குறத்தியம்மன்' என்னும் பெயரில் பிரேமின் மொழிபெயர்ப்பில் அணங்கு பதிப்பகம் வெளியிட்டது. குடும்ப வன்முறை பற்றி 'When I Hit You: Or, A Portrait of the Artist As A Young Wife' (2017) என்னும் நாவலை எழுதினார். மூன்றாவது நாவலான Exquisite Cadavers (2019) புலம்பெயர்ந்தவர்கள் பற்றியும், இனவாதம் பற்றியும் பேசியது.
மீனா எழுதிய அரசியல் விமர்சனக் கட்டுரைகள் The New York Times, The Guardian, Guernica, The Hindu, The Indian Express, The Wire, Outlook, India Today, Deccan Chronicle போன்ற இதழ்களில் வெளிவந்தன. ஈழ விடுதலை போராட்டத்தில் பெண் புலிகளின் பங்களிப்பு மற்றும் சிங்கள ராணுவத்தினால் அவர்களுக்கு நேர்ந்த பாலியல் வன்கொடுமை பற்றி இவர் எழுதிய கட்டுரைகள் 'The Orders Were To Rape You: Tigresses in the Tamil Eelam Struggle' என்ற தலைப்பில், 2021-ல் வெளியானது.
மொழிபெயர்ப்பு
மீனா கந்தசாமி தொல். திருமாவளவனின் எழுத்துக்கள் மற்றும் பேச்சுக்களை ஆங்கிலத்தில் 'Talisman: Extreme Emotions of Dalit Liberation' (2003), 'Uproot Hindutva: The Fiery Voice of the Liberation Panthers' (2004) என்னும் இரு நூல்களாக எழுதினார். ஈ.வெ. ராமசாமியின் 'பெண் ஏன் அடிமையானாள்?' நூலை ’Why Were Women Enslaved?’ (2007) என்ற பெயரில் மொழிபெயர்த்தார். தமிழில் இருந்து பல உரைநடை மற்றும் கவிதை ஆக்கங்களை ஆங்கிலத்தில் மொழிபெயர்த்தார். காசி ஆனந்தன், சேரன், வ.ஐ.ச. ஜெயபாலன் போன்ற ஈழத்துத் தமிழ் எழுத்தாளர்களின் ஆக்கங்களைத் தமிழிலிருந்து ஆங்கிலத்திற்கு மொழிபெயர்த்தார்.
மீனா எழுத்தாளர் சல்மாவின் 'மனாமியங்கள்' என்னும் தமிழ் நாவலை ஆங்கிலத்தில் மொழியாக்கம் செய்தார் (Women Dreaming 2020). திருக்குறளின் காமத்துப்பாலை 'The Book of Desire' என்னும் பெயரில் ஆங்கிலத்தில் மொழியாக்கம் செய்தார். இவரின் எழுத்துக்கள் பிரெஞ்ச், ஜெர்மன், ஸ்பானிஷ், இத்தாலி, துருக்கி, அராபி போன்ற மொழிகளில் மொழியாக்கம் செய்யப்பட்டன.
இலக்கிய இடம்
”இவர் எழுத்துக்கள் தலித் மற்றும் பெண்களின் பிரச்சனைகளை மையமாகக் கொண்டு மெல்லிய அங்கதத்துடன் அவை முன்வைக்கும் அரசியலை நோக்கி கேள்வியெழுப்புபவை.” என சி.சரவணகார்த்திகேயன் மதிப்பிடுகிறார்.
திரை வாழ்க்கை
’ஓராள்போக்கம்’ (Oraalppokkam) என்ற மலையாளத் திரைப்படத்தில் நடிகையாக நடித்தார். நியூஸ்7தமிழ் எனும் செய்தித் தொலைக்காட்சியின் ஆசிரியர் குழு உறுப்பினர்களுள் ஒருவர்.
விருதுகள்
- Women's Prize for Fiction, International Dylan Thomas Prize, Jhalak Prize போன்ற விருதுகளின் தேர்வுப்பட்டியலில் இடம் பெற்றார்.
- When I Hit You: Or, A Portrait of the Artist As A Young Wife (2017) என்னும் நாவல் The Guardian, The Observer, Daily Telegraph மற்றும் Financial Times ஆகிய ஆங்கிலேய நாளேடுகளால் 'Book of the Year'ஆக தேர்ந்தெடுக்கப்பட்டது.
நூல்கள் பட்டியல்
கவிதைத் தொகுப்பு
- Touch (Peacock Books, 2006)
- Ms Militancy (Navayana, 2010)
- Mascara
- My lover speaks of Rape
- This Poem Will Provoke You & Other Poems (HarperCollins India, 2015)
நாவல்
- The Gypsy Goddess (Atlantic Books(London)/HarperCollins (New Delhi), 2014)
- When I Hit You: Or, A Portrait of the Writer as a Young Wife (Atlantic Books,Juggernaut, 2017)
- Exquisite Cadavers (Atlantic Books/ Context, 2019)
மொழிபெயர்ப்புகள்
- The Book of Desire (Thirukkural)
- Talisman: Extreme Emotions of Dalit Liberation, Thol. Thirumaavalavan, (Samya, 2003)
- Uproot Hindutva: The Fiery Voice of the Liberation Panthers, Thol. Thirumaavalavan (Samya, 2004)
- Why Were Women Enslaved, Thanthai Periyar E.V.Ramasamy, The Periyar Self-Respect Propaganda Institution (2007)
- Waking is Another Dream: Poems on the Genocide in Tamil Eelam (co-translator) (Navayana , 2010)
- Desires Become Demons: Poems of Four Tamil Woman Poets: Malathi Maithri, Salma, Kutti Revathi, Sukirtharani, Tilted Axis Press (Sheffield), 2018.
- Women Dreaming (novel), Salma (Penguin Random House, 2020)
கட்டுரைகள்
- Ayyankali:A Dalit Leader of Organic Protest (with M.Nisar) (2007)
- The Orders Were To Rape You:Tigresses in the Tamil Eelam Struggle (Navayana, 2021)
உசாத்துணை
- 'They don't like women who are flamboyant about sexuality': interview: meena kandasamy:rediff
- இருளில் ஒளிரும் கவிதை: சி. சரவணகார்த்திகேயன்
இணைப்புகள்
- மீனா கந்தசாமி: வலைதளம்
- ‘Kural’ versus ‘Kural’: The aesthetics and politics of two translations of Tiruvalluvar’s classic: suchitra ramachandran
✅Finalised Page
