பெயரின்னிசை

பெயரின்னிசை (பெயர் இன்னிசை) தமிழ்ச் சிற்றிலக்கிய வகைகளுள் ஒன்று. சிற்றிலக்கியங்களுக்கு சம்ஸ்கிருதச் சொல் பிரபந்தம். பாட்டுடைத் தலைவனின் பெயரைத் தொண்ணூறு, எழுபது அல்லது ஐம்பது இன்னிசை வெண்பாக்களால் பாடுவது பெயரின்னிசை. பெயரின்னிசையின் இலக்கணத்தைக் கூறும் நூற்பாக்கள்:

இறைவன் பெயர் ஊரினை இன்னிசையான்
முறையின் தொண்ணூறு எழுபான் ஐம்பான்
அறையின் அப்பெயர் ஆகும் என்ப
- இலக்கண விளக்கம் பொருளதிகாரம் - பாட்டியல், பாடல் 825

பாட்டுடைத் தலைவன் பெயரைச் சார
இன்னிசை வெண்பா எழுபான் இருபஃது
ஏனும் எழுபா னேனும் ஐம்பஃ
தேனும் உரைப்பது பெயர்இன் னிசையே
                                   - முத்துவீரியம் - யாப்பிலக்கணம் 131

உசாத்துணை

• நவநீத நடனார், எஸ். கலியாண சுந்தரையரும் எஸ், ஜி. கணபதி ஐயரும் (பதிப்பாசிரியர்கள்), கலித்துறைப் பாட்டியல் என்னும் நவநீதப் பாட்டியல்
• கோபாலையர், தி. வே. (பதிப்பாசிரியர்), வைத்தியநாத தேசிகர் இயற்றிய இலக்கண விளக்கம் பொருளதிகாரம் - பாட்டியல், திருவையாறு.
• சுந்தரமூர்த்தி, கு. (பதிப்பாசிரியர்), முத்துவீரியம்

வெளி இணைப்புகள்

• பாட்டியல்
• சிற்றிலக்கியங்கள்

‎

---

✅Finalised Page