தென்னாட்டுப் போர்க்களங்கள்
From Tamil Wiki
தென்னாட்டுப் போர்க்களங்கள் (1961) கா. அப்பாத்துரை எழுதிய வரலாற்று விவரிப்பு நூல். சங்ககாலம் தொட்டு தமிழக நிலத்தில் நடந்த போர்களை இலக்கிய ஆதாரங்களைக்கொண்டு சித்தரித்திருக்கிறார்.
வெளியீடு
1961-ல் இந்நூலை கா.அப்பாத்துரை எழுதினார். 1971-ல் அவரே அலமேலு நிலைய வெளியீடாக விரிவான முன்னுரையுடன் வெளியிட்டார்.
உள்ளடக்கம்
தென்னாட்டுப் போர்க்களங்கள் கீழ்க்கண்ட அத்தியாயங்கள் கொண்ட நூல்
- வீரமரபு
- வான விளிம்பு
- அகல் உலகத் தொடர்பு
- வடதிசைத் தொடர்புகள்
- சங்ககாலப் போர்கள், 3 பகுதிகள்
- பேரரசுப் போட்டி
- சோழப்பெரும்பேரரசு
- தேசியவாழ்வும் புதுமறுமலர்ச்சியும்
இவற்றில் கா.அப்பாத்துரை தமிழகத்தில் தொல்சான்றாதாரங்கள் கிடைக்காத முற்சங்க காலத்தை நூலாதாரங்களைக் கொண்டு அணுகுகிறார். சங்ககாலத்தில் நிகழ்ந்த போர்கள், பேரரசுகள் உருவாதல் ஆகியவற்றை விரித்துரைத்து சோழர்காலத்திய போர்களை விளக்குகிறார். ஆங்கிலேய ஆட்சிக்காலத்து போர்கள் , 1947 வரையிலான விடுதலைப்போராட்டங்கள் வரையிலான போர்களின் சித்திரம் இந்நூலில் உள்ளது.
உசாத்துணை
✅Finalised Page
