கணேஷ் அண்ட் கம்பெனி

கணேஷ் அண்ட் கம்பெனி வெளியிட்ட ஆங்கில நூல்கள்

கணேஷ் அண்ட் கம்பெனி (1910) தமிழின் தொடக்க காலப் பதிப்பகங்களுள் ஒன்று. தேசியம், விடுதலைப் போராட்டம் தொடர்பாகப் பல நூல்களை வெளியிட்டது. காந்தியின் வாழ்க்கை வரலாற்றை தமிழ், தெலுங்கு, ஆங்கிலம் ஆகிய மொழிகளில் அச்சிட்டு இலவசமாக வழங்கியது. தமிழிலும் ஆங்கிலத்திலும் பல நூற்றுக்கணக்கான நூல்களை வெளியிட்டது.

தோற்றம்

கணேஷ் அண்ட் கம்பெனி, சி.என். கிருஷ்ணசாமி அய்யரால் 1910-ல் தொடங்கப்பட்டது. 39, தம்புசெட்டித் தெரு, சென்னை என்ற முகவரியிலிருந்து செயல்பட்டது. பதிப்பாளர் சி. என். கிருஷ்ணசாமி அய்யர், வித்யா விஹாரிணி என்ற இதழின் வெளியீட்டாளர் மற்றும் ஆசிரியர்.

வெளியீடு

கணேஷ் அண்ட் கம்பெனி தேசியம், சமூகம், பொருளாதாரம், கல்வி குறித்துப் பல நூல்களை தமிழிலும் ஆங்கிலத்திலும் வெளியிட்டது. ஏப்ரல் 12, 1945-ல் காந்தி சென்னை வந்தபோது, காந்தி குறித்த வரலாற்றை தமிழ், தெலுங்கு, ஆங்கிலம் ஆகிய மொழிகளில் பத்தாயிரம் பிரதிகள் அச்சிட்டு இலவசமாக வழங்கியது. கணேஷ் & கோ வெளியிட்ட நூல்களில், ‘இந்தியாவும் சுய ஆட்சியும்’ எனும் நூல் குறிப்பிடத் தகுந்த ஒன்று.

சகோதரி நிவேதிதா, சரோஜினி தேவி, சி.ஆர். தாஸ், ஜோசப் மாஜினி, பால் ரிச்சர்ட், சரளா தேவி, ஹெச்.எஸ்.எல். பொலாக், பாபு மோதிலால் கோஸ் உள்ளிட்ட பலரது நூல்களை கணேஷ் & கோ வெளியிட்டது.

கணேஷ் அண்ட் கம்பெனி வெளியிட்ட தமிழ் நூல்கள்