ஹோமியோபதி மருத்துவ இதழ்கள் பட்டியல்

ஹோமியோபதி மருத்துவம் குறித்த செய்திகளைத் தாங்கி வரும் இதழ்கள் ஹோமியோபதி இதழ்கள் எனப்படுகின்றன. சித்த மருத்துவம், அலோபதி மருத்துவம் போலவே ஹோமியோபதி மருத்துவமும் குறிப்பிடத்தகுந்த ஒரு மருத்துவ முறையாகப் பின்பற்றப்படுகிறது.

ஹோமியோபதி மருத்துவம்

ஹோமியோபதி மருத்துவமுறை உலகின் இரண்டாவது மிகப்பெரிய மருத்துவ முறை. சித்த மருத்துவம், அலோபதி மருத்துவம் போலவே ஹோமியோபதி மருத்துவமும் தமிழகத்தில் பலரால் பின்பற்றப்படும் மருத்துவமுறையாக உள்ளது. ஜெர்மனியைச் சேர்ந்த சாமுவேல் ஹானிமன் (Samuel Hahnemann) இம்முறையை உருவாக்கினார். எது மருந்தாகப் பயன்படுகிறதோ அதுவே நோயை உண்டாக்கும் கூறுகளையும் பெற்றிருக்கும் என்பதே ஹோமியோபதியின் அடிப்படை.

தமிழில்‌ தோன்றிய ஹோமியோ மருத்துவத்தின்‌ முதல்‌ இதழ்‌, ‘ஹோமியோபதி’ என்பதாகும். இதன்‌ ஆசிரியர்‌ டாக்டர்‌ வி.ஆர்‌. மூர்த்தி. மேலைநாடுகளுக்குச்‌ சென்று மருத்துவம்‌ கற்று வந்த பின், ஹோமியோபதி மருத்துவம் பற்றி அனைவரும் அறிந்து கொள்வதற்காக ‘ஹோமியோபதி’ என்ற இதழை, கும்பகோணத்தில், 1947-ல் தொடங்கினார்.

ஹோமியோபதி மருத்துவ இதழ்கள் பட்டியல்

கீழ்காணும் இதழ்கள் ஹோமியோபதி மருத்துவச் செய்திகளைத் தமிழில் வழங்கின. இவற்றில் சில தற்போதும் வெளிவந்து கொண்டிருக்கின்றன.

ஹோமியோபதி	1947
ஹோமியோபதி மித்திரன்	1951
தி வாய்ஸ் ஆஃப் ஹோமியோபதி	1956
ஹோமியோபதி மித்ரன் (2)	1956
ஹோமியோ பிரகடனம்	1958
அர்கனான்	1961
சகவழி	1977
ஹோமியோபதி தொண்டன்	1977
ஹோமியோ அறிவியல்	1981
ஜுபிடரின் மருத்துவ மஞ்சரி	1982
ஹானிமன்	1982
ஈஸ்டர்ன் ஹோமியோ ஸ்டார்	1985
ஹோமியோ நண்பன்	1992
உங்கள் ஹோமியோபதி நண்பன்	1992
ஆரோக்கிய மருத்துவம்	1994
மனிதனை நலமாக்குவது ஹோமியோபதி	1997
உண்மை ஹோமியோபதி	1997
ஹோமியோபதிச் சுடர்	2001
மாற்று மருத்துவம்	-
ஹோமியோ முரசு	-
ஜீவன்ஸ் ஐடியல் க்யூர்ஸ்	-
ரிசர்ச் ஜெர்னல் ஆஃப் ஹோமியோபதி	-
ஹோமியோபதி – தி ஃப்ரெண்ட் ஆஃப் ஹெல்த்	-
ஹோமியோபதி ஃபார் ஆல்	-
வைட்டல் இன்ஃபார்மர்	-

பிற மருத்துவ இதழ்கள்

சித்த மருத்துவம், அலோபதி மருத்துவம், ஹோமியோபதி மருத்துவம் இவற்றோடு கூடவே ஆயுர்வேத மருத்துவம், யுனானி மருத்துவம், மலர் சிகிச்சை மருத்துவம், காந்த சிகிச்சை மருத்துவம், யோகா மருத்துவம் என பல்வேறு மருத்துவப் பிரிவுகள் உள்ளன. அந்தந்த மருத்துவ முறைகளின் சார்பாகப் பல இதழ்களும் வெளியாகி வருகின்றன.

உசாத்துணை

• தமிழில் மருத்துவ இதழ்கள்: தமிழ் இணைய மின்னூலகம்
• ஹோமியோபதி:ஒருகடிதம்: ஜெயமோகன் தளம்
• இதழ்களில் மருத்துவச் சுவடிப்பதிப்புகள்
• மருத்துவத் தமிழ் உரைநடைப்போக்கு

‎

---

✅Finalised Page