பதிகம் (சிற்றிலக்கியம்)
பதிகம் தமிழ்ச் சிற்றிலக்கியங்கள் என்னும் வகைகளுள் ஒன்று. சிற்றிலக்கியங்களுக்கு சம்ஸ்கிருதச் சொல் பிரபந்தம். ஆசிரியத்துறை, ஆசிரிய விருத்தம், கலி விருத்தம் வகையில் அமைந்த பத்து பாடல்களால் ஆனது பதிகம்
ஆசிரியத்துறை அதனது விருத்தம்
கலியின் துறை அவற்றின் நான்கடி
எட்டின் கூறும் உயர்ந்த வெண்பா
மிசைவைத் தீரைந்து நாலைந் தென்னப்
பாட்டுவரத் தொடுப்பது பதிகம் ஆகும்
பன்னிரு பாட்டியல் - 197
பத்து வெண்பாக்கள் அமையப் பாடுவதும் உண்டு.
கோதிலோர் பொருளைக் குறித்தையிரண்டு
பாவெடுத்துரைப்பது பதிகமாகும்
முத்துவீரியம்- 1116
இவை நான்கடி அல்லது எட்டடிப் பாடலாக இருக்கும்.
பத்தின் மடங்காக இருபது பாடல்களில் அமைவதும் உண்டு.
பதிகம் என்பதுவே பலபொருள் பற்றி
பத்துப் பாட்டால் பாடல் பான்மையே
பிரபந்ததீபிகை - 80
சமய நூல்களில் பதிகங்கள்
- அப்பர், சம்பந்தர், சுந்தரர், மாணிக்க வாசகர் ஆகிய சமய குரவர் நால்வரின் பாடல்களும், ஒன்பதாம் திருமுறைத் தொகுப்பில் உள்ள காரைக்கால் அம்மையார் பொன்றோரின் பாடல்களும் பதிக முறையிலேயே அமைந்துள்ளன.
- சம்பந்தர், சுந்தரர் பாடல்களில் பதிகத்தின் இறுதியில் பதினோராம் பாடல் ஒன்று வரும். இது பதிகத்தின் கடைசியில் பதிகத்துக்கும், பதிகம் பாடுவோருக்கும் காப்பாக அமையும் பாடல்.
- நம்மாழ்வார் பாடல்களும், பெரியாழ்வார் பாடல்கள் பத்து பத்து பாடல்களாகத் தொகுக்கப்பட்டுள்ளன.
உசாத்துணை
- பாடல் மூலம், தமிழ் இலக்கண நூல்கள், முனைவர் ச. வே. சுப்பிரமணியன் பதிப்பு, 2007
இதர இணைப்புகள்
🖒 First review completed
Please do not write any content below this line. This section is only for editing templates & categories.
