திருத்தாமனார்: Difference between revisions
| Line 17: | Line 17: | ||
<poem> | <poem> | ||
மதிநிலாக் கரப்ப வெள்ளி ஏர்தர | மதிநிலாக் கரப்ப வெள்ளி ஏர்தர | ||
வகைமாண் நல்இல் | வகைமாண் நல்இல் . . . . . | ||
பொறிமயிர் வாரணம் பொழுதறிந்து இயம்பப் | பொறிமயிர் வாரணம் பொழுதறிந்து இயம்பப் | ||
பொய்கைப் பூமுகை மலரப் பாணர் | பொய்கைப் பூமுகை மலரப் பாணர் | ||
Revision as of 20:04, 31 August 2024
திருத்தாமனார் சங்ககாலத் தமிழ்ப் புலவர்களில் ஒருவர். இவர் பாடிய பாடல் ஒன்று புறநானூற்றில் உள்ளது.
வாழ்க்கைக் குறிப்பு
திருத்தாமனார் சங்ககாலப் புலவர்களில் ஒருவர். சேரமான் வஞ்சன் காலத்தைச் சேர்ந்த புலவர்.
இலக்கிய வாழ்க்கை
திருத்தாமனார் பாடிய பாடல் ஒன்று புறநானூற்றில் 398-வது பாடலாக உள்ளது. சேரமான் வஞ்சனைத் திருத்தாமனார் பாடியதாக பாடல் அமைந்துள்ளது.
பாடல் வழி அறியவரும் செய்திகள்
- சேரமான் வஞ்சன்: கோசர்களில் ஒரு பிரிவினர் வாய்மொழிக் கோசர் எனப் பாராட்டப்பட்டனர். எனவே இவனைச் சேரர்களின் ஆட்சிக்கு உட்பட்டிருந்த கோசர்குடித் தலைவன் எனலாம். பாயல் மலைப்பகுதியை ஆண்டுவந்ததால் இவன் பாயல் கோ எனப்பட்டான்.
- சேரமான் வஞ்சனின் கொடைத்திறம்: பாணர்கள் சீறியாழை மீட்டிக்கொண்டு கோழி கூவும் வைகறைப் பொழுதில் சேரமான் வஞ்சனைப் பாடுவர். இவன் அவர்களின் அழுக்குப் படிந்த ஆடைகளை நீக்கித் தான் அணிந்திருப்பது போன்ற ஆடைகளை உடுத்திவிடுவான். நிழலைக் காட்டும் கண்ணாடி போன்ற தேறலைப் பருகத் தருவான். நல்ல அரிசிச் சோற்றையும் கருணைக் கிழங்குக் குழம்பையும் வயிறார ஊட்டி மகிழ்வான்.
- நகைவர், பகைவர் என்னும் சொற்கள் முறையே நண்பர்களையும், பகைவர்களையும் குறிக்கும் வகையில் இப்புலவரால் கையாளப்பட்டன.
பாடல் நடை
- புறநானூறு 398
திணை: பாடாண் திணை; துறை: கடைநிலை
மதிநிலாக் கரப்ப வெள்ளி ஏர்தர
வகைமாண் நல்இல் . . . . .
பொறிமயிர் வாரணம் பொழுதறிந்து இயம்பப்
பொய்கைப் பூமுகை மலரப் பாணர்
கைவல் சீறியாழ் கடன்அறிந்து இயக்க
இரவுப்புறம் பெற்ற ஏம வைகறைப்
பரிசிலர் வரையா விரைசெய் பந்தர்
வரிசையின் இறுத்த வாய்மொழி வஞ்சன்
நகைவர் குறுகின் அல்லது பகைவர்க்குப்
புலியினம் மடிந்த கல்லளை போலத்
துன்னல் போகிய பெரும்பெயர் மூதூர்
மதியத் தன்னஎன் அரிக்குரல் தடாரி
இரவுரை நெடுவார் அரிப்ப வட்டித்து
உள்ளி வருநர் கொள்கலம் நிறைப்போய்
தள்ளா நிலையை யாகியர் எமக்கென
என்வரவு அறீஇச்
சிறிதிற்குப் பெரிதுவந்து
விரும்பிய முகத்த னாகி என்அரைத்
துரும்புபடு சிதாஅர் நீக்கித் தன்அரைப்
புகைவிரிந் தன்ன பொங்குதுகில் உடீஇ
அழல்கான் றன்ன அரும்பெறல் மண்டை
நிழல்காண் தேறல் நிறைய வாக்கி
யான்உண அருளல் அன்றியும் தான்உண்
மண்டைய கண்ட மான்வறைக் கருனை
கொக்குஉகிர் நிமிரல் ஒக்கல் ஆர
வரையுறழ் மார்பின் வையகம் விளக்கும்
விரவுமணி ஒளிர்வரும் அரவுஉறழ் ஆரமொடு
புரையோன் மேனிப் பூந்துகில் கலிங்கம்
உரைசெல அருளி யோனே
பறைஇசை அருவிப் பாயல் கோவே.
உசாத்துணை
- திருத்தாமனார் - tamilvu
- 398. துரும்புபடு சிதாஅர்: puram400
- புறநானூறு - 398 - துரும்புபடு சிதா அர் - tamilsurangam
இந்த பக்கம் தற்பொழுது மெய்ப்பு பார்க்கப்படுகிறது. மாற்றம் எதுவும் செய்ய வேண்டாம்
Ready for review
Please do not write any content below this line. This section is only for editing templates & categories.