தரவிணைக் கொச்சகக் கலிப்பா
From Tamil Wiki
தரவிணை என்றால் இரண்டு தரவுகள் என்று பொருள். இரண்டு தரவுகள் பெற்று இடையே தனிச்சொல் பெற்றும், பெறாமலும், சுரிதகம் பெற்றும் பெறாமலும் வருவதும் தரவிணைக் கொச்சகக் கலிப்பா.
தரவிணைக் கொச்சகக் கலிப்பாவின் இலக்கணம்
- கலிப்பாவின் பொது இலக்கணம் பெற்று வரும்.
- இரண்டு தரவுகள் பெற்று இடையே தனிச்சொல் பெற்று வரும்.
- இரண்டு தரவுகள் பெற்று இடையே தனிச்சொல் பெறாமலும் வரும்.
- சுரிதகம் பெற்றும் பெறாமலும் வரும்.
- தரவிணைக் கொச்சகக் கலிப்பாவின் அடிச் சிற்றெல்லை மூன்று.
உதாரணப் பாடல்
(தரவு-1)
வடிவுடை நெடுமுடி வானவர்க்கும் வெலற்கரிய
கடிபடு நறும்பைந்தார்க் காவலர்க்கும் காவலனாம்
கொடிபடு மணிமாடக் கூடலார் கோமானே
(தனிச்சொல்-1)
எனவாங்கு
(தரவு-2)
துணைவளைத்தோள் இவள்மெலியத் தொன்னலம் துறப்புண்டாங்
கிணைமலர்த்தார் அருளுமேல் இதுவிதற்கோர் மாறென்று
துணைமலர்த் தடங்கண்ணார் துணையாகக் கருதாரோ
(தனிச்சொல்-2)
அதனால்
(சுரிதகம்)
செவ்வாய்ப் பேதை இவள்திறத்து
தெவ்வா றாங்கொலிஃ தெண்ணிய வாறே
- மேற்கண்ட பாடலில் இரண்டு தரவுகளுடன் இரண்டு தனிச்சொல்லும், சுரிதகமும் இடம்பெற்றுள்ளதால் இது தரவிணைக் கொச்சகக் கலிப்பா.
உசாத்துணை
- யாப்பருங்கலக்காரிகை: சென்னை நூலகம்
- யாப்பருங்கலக்காரிகை மூலமும் உரையும்: பதிப்பாசிரியர்: முனைவர் சோ. கண்ணதாசன் தமிழ் இணைய மின்னூலகம்
- இலக்கண விளக்கம்: வைத்தியநாத தேசிகர்: பதிப்பாசிரியர்: தி.வே. கோபாலையர்: தமிழ் இணைய மின்னூலகம்
- யாப்பிலக்கணம்: விசாகப்பெருமாளையர்: தமிழ் இணையக் கல்விக்கழக நூலகம்
- கலாநிலயம் இதழ்: தமிழ் இணைய மின்னூலகம்
✅Finalised Page