கருவூர் கிழார்
கருவூர் கிழார் சங்க காலப் புலவர். இவர் பாடிய பாடல் ஒன்று குறுந்தொகையில் உள்ளது.
வாழ்க்கைக் குறிப்பு
சேரர்களின் தலைநகராக இருந்த கருவூரில் பிறந்தார். இன்றைய கரூர் மாவட்டமே கருவூர் என வழங்கப்பட்டது.
இலக்கிய வாழ்க்கை
குறுந்தொகையின் 17-ஆவது பாடல் கருவூர் கிழார் பாடியது. குறிஞ்சித்திணைப்பாடல். "தலைவன் வரைவிடைவைத்துப் பிரிந்த காலத்தில் அவனது பிரிவை யாற்றாளெனக் கவலையுற்ற தோழிக்கு, ’தலைவனது நட்புக் கெடாதென்பதை யான் அறிந்துள்ளேன்; பலர் தமக்குத் தோற்றியவற்றைச் சொல்லுவர். அதனால் யான் உறுதி நீங்கேன்’ என்று தலைவி கூறியது" என்ற துறையின் கீழ் உள்ளது. எருவை என்னும் நீர்வாழ் செடியை யானை விரும்பி உண்ணும்; அதன் பூ நீண்ட குச்சியில் கொத்தாகப் பூத்திருக்கும் என்ற செய்தியை பாடல்வழி அறியலாம்.
பாடல் நடை
- குறுந்தொகை - 170
பலவும் கூறுகவ தறியா தோரே
அருவி தந்த நாட்குர லெருவை
கயனா டியானை கவள மாந்தும்
மலைகெழு நாடன் கேண்மை
தலைபோ காமைநற் கறிந்தனென் யானே.
உசாத்துணை
- புலவர் கா. கோவிந்தன் – திரு நெல்வேலி தென்னிந்திய சைவ சித்தாந்த நூற்பதிப்புக் கழகம் – சங்கத் தமிழ்ப் புலவர் வரிசை-8: கிழார்ப்பெயர் பெயர் பெற்றோர்</nowiki>]
- வைரத்தமிழ்-குறுந்தொகை-170/
✅Finalised Page
