ரவிசுப்பிரமணியன்

ரவி சுப்ரமணியன்

ரவி சுப்ரமணியன் ( ) தமிழ்க்கவிஞர், எழுத்தாளர், ஆவணப்பட இயக்குநர், ஊடகவியலாளர் மற்றும் இசைக்கலைஞர். ஜெயகாந்தன், திருலோகசீதாராம், மா.அரங்கநாதன் போன்றவர்களைப்பற்றிய ஆவணப்படங்களை இயக்கியவர். தமிழ்ப்புதுக்கவிதைகளுக்கும் சங்கப்பாடல்களுக்கும் இசையமைத்து பாடியவர்.

இலக்கிய வாழ்க்கை

கவிஞராக அறிமுகமான ரவி சுப்ரமணியனின் முதல் தொகுதி 1989ல் வெளிவந்த ஒப்பனை முகங்கள். கும்பகோணத்தில் இருந்து சென்னை வந்து தொலைக்காட்சி ஊடகத்தில் ஈடுபட்டார். நூறுக்கும் மேற்பட்ட ஆவணப்படங்களை தொலைக்காட்சிகளுக்காக இயக்கியிருக்கிறார். இளையராஜா இசையமைத்து தயாரித்த ஜெயகாந்தன் ஆவணப்படம் அவற்றில் முக்கியமானது. மா.அரங்கநாதன், திருலோக சீதாராம் ஆகியோரைப்பற்றிய ஆவணப்படங்கள் முதன்மையான கொடைகள்.

ரவி சுப்ரமணியம் பல்வேறு இலக்கிய அமைப்புகளுடன் தொடர்பில் இருப்பவர். சாகித்ய அக்காதமியில் உறுப்பினராக 2003 முதல் 2007 வரை இருந்தார். பாவலர் விருது சாரல் விருது போன்றவற்றின் ஒருங்கிணைப்பாளராக பணியாற்றினார். ஆம்பல் கலை இலக்கிய அறக்கட்டளையின் நிர்வாக அறங்காவலர்.5 வது தேசிய திரைப்பட விழாவின் விருதுக்குழுவின் உறுப்பினராகப் பணியாற்றியுள்ளார். தஞ்சை தமிழ்ப்பல்கலையின் வருகைதரு பேராசிரியராக 2020ல் பணியாற்றினார்.

ரவி சுப்ரமணியம் மரபிசை பயின்றவர். 80 தமிழ் நவீனக்கவிதைகளுக்கு இசையமைத்தார்.ஒடிசி நடனநாடகமான ‘உடையவர்’ ஐ இயக்கினார்.சுப்ரிதா திரிலோக் நடித்த இந்த நாடகம் 2017 ல் அரங்கேறியது.

ஊடகப்பணிகள் 

• இயக்குனரும், படத்தொகுப்பாளருமான பி. லெனினிடம் ஐந்து ஆண்டுகள் உதவி இயக்குனராக
• நிகழ்ச்சி தயாரிப்பாளர் விஜய், ஜெயா டிவி
• சென்னை ஆன்லைன், ஆறாம்திணை இணைய இதழ்களின் ஊடக ஒருங்கிணைப்பாளர்
• தூரதர்சன் மற்றும் சன் டிவியின் சுதந்திர நிகழ்ச்சி தயாரிப்பாளர்
• சி.ஜெ.பாஸ்கர் இயக்கிய பெண் திரைத்தொடரின் பாடலாசிரியர், திரைக்கதையாளர். .
• அனல் காற்று படத்தின் பாடலாசிரியர்
• பி கிரேட் நாடக நடிகர் ஆல் இந்தியா ரேடியோ 1986 முதல்
• தாமரை  என்னும் குறும்பட இயக்குநர்

விருதுகள்

• 1991 தமிழக அரசு விருது

• 1996 திருப்பூர் தமிழ்ச்சங்க விருது
• 2005 நியூஜெர்ஸி தமிழ்சங்க விருது

• 2015 சிற்பி இலக்கிய விருது
• 2017 தி க சி இயற்றமிழ் விருது
• 2018 மா அரங்கநாதன் விருது
• 2018 தமிழ் வித்தகர் விடுது
• 2018 தஞ்சை பிரகாஷ் கவிதை விருது
• 2019 ஆனந்தாஸ் எம்.பி கலை இலக்கிய விருது
• 2021இலக்கியப்பேராளுமை விருது

நூல்கள்

கவிதைகள்

• ஒப்பனை முகங்கள் 1989

காத்திருப்பு 1995

• காலாதீத இடைவெளியில்200
• சீம்பாலில் அருந்திய நஞ்சு 2006
• விதானத்துச் சித்திரம் 2017

கட்டுரைகள்

• ஆளுமைகள் தருணங்கள் 2014
• நினைவின் ஆழியில் அலையும் கயல்கள் 2020

தொகுப்புகள்

• வண்ணதாசன் கடிதங்கள் 1997
• பாலகுமாரனின் தேர்ந்தெடுத்த கதைகள் 2016
• எம்.வி.வெங்கட்ராம் கதைகள்  2021.

மொழியாக்கம்

• That was a Different Season (Selected Poems) English Translation Poems, 2018.

ஆவணப்படங்கள்

• இந்திரா பார்த்தசாரதி - “இந்திரா பார்த்தசாரதி எனும் நவீன நாடகக் கலைஞன்“
• “மா. அரங்கநாதனும் கொஞ்சம் கவிதைகளும்“
• “எல்லைகளை விஸ்தரித்த எழுத்துக் கலைஞன்-ஜெயகாந்தன்“
• “சைவத் தமிழ் வளர்க்கும் சேக்கிழார் அடிப்பொடி தி. ந. இராமச்சந்திரன்“
• “திருலோகம் என்றொரு கவி ஆளுமை“
• பாலசந்தர் ஆவணப்படம்

உசாத்துணை

• தினமணி பேட்டி
• திருலோக சீதாராம் என்றொரு கவியாளுமை
• ரவிசுப்பிரமணியனின் ரசவாதம்!
• Indra Parthasarathy Documentary
• The Writer Who Extended The Boundaries - D.Jayakanthan
• Sekizaar Adi-p-Podi T.N.Ramachandran : A documentary
• A Documentary on poet Thiruloga Seetharam
• https://www.hindutamil.in/news/literature/130339-.html
• https://www.thehindu.com/news/cities/chennai/Documenting-writer-who-propagated-Bharati%E2%80%99s-works/article13975014.ece

• குறுந்தொகை – 41 – பாலைத்திணை - அணிலாடு முன்றிலார்
• குறுந்தொகை – 28 - பாலைத்திணை – ஒளவையார்
• குறுந்தொகை - 20 - பாலைத்திணை - கோப்பெருஞ்சோழன்
• மா அரங்கநாதன் விருது விழா

---

Ready for review

Please do not write any content below this line. This section is only for editing templates & categories.