கணிமேதாவியார்

கணிமேதாவியார் (பொ.யு. 5-ம் நூற்றாண்டு) தமிழ்ப்புலவர். சமணர். ஏலாதி, திணைமாலை நூற்றைம்பது ஆகிய நூல்களின் ஆசிரியர்.

வாழ்க்கைக் குறிப்பு

கணிமேதாவியார் பொ.யு. 5-ம் நூற்றாண்டைச் சேர்ந்த புலவர். சமணம் சமயத்தைச் சேர்ந்தவர். ஜோதிடத்தில் வல்லவராக இருந்ததால் கணி-மேதாவியார் என்னும் பெயர் பெற்றார். இவருடைய ஆசிரியர் மதுரைத் தமிழாசிரியர் மாக்காயனார். பொ.யு. 470-ல் வச்சிரநந்தி என்னும் சமணரால் நிறுவப் பட்ட தமிழ்ச் சங்கத்தில் இவ்வாசிரியர் பயின்றிருக்க வேண்டும்.

இலக்கிய வாழ்க்கை

கணிமேதாவியார் ஏலாதி, திணைமாலை நூற்றைம்பது ஆகிய நூல்களின் ஆசிரியர். சமண சமய அறக்கருத்துக்களை எழுதினார்.

நூல் பட்டியல்

• ஏலாதி
• திணைமாலை நூற்றைம்பது

உசாத்துணை

• தமிழ்ப்புலவர் வரலாற்றுக் களஞ்சியம் - பகுதி 2 - வெ.பழனியப்பன்,உ.பழநி - அண்ணாமலைப் பல்கலைக்கழகம்

---

✔ Second review completed

Please do not write any content below this line. This section is only for editing templates & categories.