தமிழ்நாடு அரசியல் காலக்கோடு

தமிழ்நாடு அரசு சின்னம்

தமிழ்நாடு அரசியல் (19-ஆம் நூற்றாண்டின் ஆரம்பம் முதல் தற்போது வரை) ஆங்கிலேயர்களின் வருகைக்குப் பின் நவீனமானது.

வரலாறு

ஆங்கிலேயர்களின் வருகைக்குப் பின்னான காலகட்டத்தில் அவர்கள் இந்தியாவை ஆட்சி செய்வதற்கு ஏதுவாக சட்டம், நிர்வாகத்திற்கான வரைவை உருவாக்கினர். இதில் மெல்ல இந்தியர்களுக்கான இடம் உருவானது. 1888-ல் காங்கிரஸ் கட்சி உருவான பின் மேலும் இந்தியர்களின் எண்ணிக்கை ஆட்சி அதிகாரத்தில் உயர்ந்தது. இது தமிழ்நாட்டிலும் (அன்றைய மெட்ராஸ் மாகாணம்) பிரதிபளித்தது.

மெட்ராஸ் மாகாணம்

தென்னிந்தியாவின் சென்னை மாகாணம் பொ.யு. 1801-ல் தோற்றுவிக்கப்பட்டது. தற்போதைய ஆந்திர மாநிலம், தெலங்கானா, கேரளா, கர்நாடகா, ஒடிசாவின் வடபகுதி, லட்சத்தீவு ஆகிய பகுதிகளை உள்ளடக்கியதாக இருந்தது. 1956-ல் மாநில மறுசீரமைப்புச் சட்டத்தின் மூலம் சென்னை மாகாணத்திலிருந்து மலையாளப் பகுதிகள் கேரளாவிற்கும், தெலுங்குப் பகுதிகள் ஆந்திர மாநிலத்திற்கும், கன்னடப் பகுதிகள் கர்நாடகாவிற்கும் தரப்பட்டது.

பார்க்க: திராவிட இயக்க வரலாறு

தமிழ்நாடு

1969-ல் சி.என். அண்ணாத்துரை அரசாங்கம் மெட்ராஸ் மாகாணத்தின் பெயரை ”தமிழ்நாடு” என்று பெயர் மாற்றம் செய்தது. தமிழ்நாட்டின் சட்டமன்றத் தொகுதிகள் எண்ணிக்கை 234. நாடாளுமன்ற தொகுதிகளின் எண்ணிக்கை 39. 1986 வரை தமிழ்நாட்டில் இரண்டு அடுக்கு சட்டமன்றங்கள் இருந்தன. தற்பொழுது ஒரு அவை மட்டுமே உள்ளது. மாநகராட்சிகள், நகராட்சிகள், பேரூராட்சிகள், ஊராட்சிகள் ஆகியவற்றுக்கும் ஐந்து ஆண்டுக்கு ஒருமுறை தேர்தல் நடத்தப்பட்டு மக்கள் பிரதிநிதிகள் தேர்ந்து எடுக்கப்படுகின்றனர். தி.மு.க -வைச் சேர்ந்த மு. கருணாநிதி மற்றும் அ.இ.அ.தி.மு.க -வைச் சேர்ந்த எம்.ஜி. ராமச்சந்திரன், ஜெ. ஜெயலலிதா ஆகியோர் அதிக ஆண்டுகள் முதலமைச்சர்களாகப் பதவி வகித்த தலைவர்கள்.

முக்கிய அரசியல் கட்சிகள்

தமிழ்நாட்டின் முக்கிய அரசியல் கட்சிகளாக திராவிட முன்னேற்றக் கழகம் (தி.மு.க) மற்றும் அனைத்திந்திய அண்ணா திராவிட முன்னேற்றக் கழகம் (அ.இ.அ.தி.மு.க) ஆகியவை உள்ளன. தவிர தேசியக்கட்சிகளான காங்கிரஸ், பாரதிய ஜனதா கட்சி ஆகியவையும் உள்ளன. 1967 வரை மட்டுமே இந்திய தேசிய காங்கிரஸ் கட்சி தனித்து ஆட்சியில் இருந்தது. அதன்பின் தேசியகட்சிகள் பொதுவாக இங்குள்ள மாநிலக் கட்சிகளுடன் கூட்டணியாகவே செயல்படுகின்றன.

இந்தியக் குடியரசுக் கட்சி, மார்க்சிய கட்சிகள், அம்பேத்கர் மக்கள் இயக்கம், பாட்டாளி மக்கள் கட்சி, மறுமலர்ச்சி திராவிட முன்னேற்றக் கழகம், விடுதலைச் சிறுத்தைகள், தேசிய முற்போக்கு திராவிடக் கழகம், மக்கள் நீதி மய்யம், மனிதநேய மக்கள் கட்சி, புதிய தமிழகம் கட்சி, நாம் தமிழர் கட்சி, அகில இந்திய சமத்துவ மக்கள் கட்சி, முஸ்லிம் லீக், இந்திய தேசிய லீக் கட்சி, இந்திய சமூக ஜனநாயகக் கட்சி ஆகிய கட்சிகளும் உள்ளன.

காலக்கோடு

விடுதலைக்கு முன்

ஆண்டுகள்	கட்சி	சென்னை மாகாண முதலமைச்சர்
1920 - 1921	நீதிக்கட்சி	சுப்பராயலு ரெட்டியார்
1921 - 1926	நீதிக்கட்சி	பனகல் ராஜா
1926 - 1930	சுயேட்சை	பி.சுப்பராயன்
1930 - 1932	நீதிக்கட்சி	பி. முனுசாமி நாயுடு
1932 - 1934	நீதிக்கட்சி	பொப்பிலி ராஜா
1934 - 1936	நீதிக்கட்சி	பொப்பிலி ராஜா
1936	நீதிக்கட்சி	பி.டி.ராஜன்
1936 - 1937	நீதிக்கட்சி	பொப்பிலி ராஜா
1937	இடைக்கால தற்காலிக அமைச்சகம்	கர்மா வெங்கட ரெட்டி நாயுடு
1937 - 1939	இந்திய தேசிய காங்கிரஸ்	சி. ராஜகோபாலாச்சாரி
1939 - 1946	இந்திய தேசிய காங்கிரஸ்	ஜனாதிபதி ஆட்சி
1946 - 1947	இந்திய தேசிய காங்கிரஸ்	தெங்குட்டுரி பிரகாசம்

விடுதலைக்குப் பின்

ஆண்டுகள்	கட்சி	முதலமைச்சர்
1947-1949	இந்திய தேசிய காங்கிரஸ்	ஓ.பி. ராமசாமி ரெட்டியார்
ஏப்ரல் 1949 - ஜனவரி1950	இந்திய தேசிய காங்கிரஸ்	பி.எஸ். குமாரசாமி ராஜா
ஜனவரி 1950 - ஏப்ரல் 1952	இந்திய தேசிய காங்கிரஸ்	பி.எஸ்.குமாரசாமி ராஜா
1952 - 1954	இந்திய தேசிய காங்கிரஸ்	சி. ராஜகோபாலச்சாரி
1954 - 1957	இந்திய தேசிய காங்கிரஸ்	கு. காமராஜ்
1957 - 1962	இந்திய தேசிய காங்கிரஸ்	கு. காமராஜ்
மார்ச் 1962 - அக்டோபர் 1963	இந்திய தேசிய காங்கிரஸ்	கு. காமராஜ்
1963 - 1967	இந்திய தேசிய காங்கிரஸ்	எம். பக்தவச்சலம்
1967 - 1969	திராவிட முன்னேற்றக் கழகம்	சி.என். அண்ணாதுரை
பிப்ரவரி 1969 - பிப்ரவரி 1969	திராவிட முன்னேற்றக் கழகம்	வி.ஆர். நெடுஞ்செழியன்
பிப்ரவரி 1969 - ஜனவரி 1971	திராவிட முன்னேற்றக் கழகம்	மு.கருணாநிதி
1971 - 1976	திராவிட முன்னேற்றக் கழகம்	மு.கருணாநிதி
ஜனவரி 1976 - ஜூன் 1977	ஜனாதிபதி ஆட்சி	ஆளுநர்
1977 - 1980	அ.இ.அ.தி.மு.க	எம்.ஜி.ராமச்சந்திரன்
பிப்ரவரி 1980 - ஜூன் 1980	ஜனாதிபதி ஆட்சி	ஆளுநர்
1980 - 1984	அ.இ.அ.தி.மு.க	எம்.ஜி.ராமச்சந்திரன்
பிப்ரவரி 1985 - டிசம்பர் 1987	அ.இ.அ.தி.மு.க	எம்.ஜி. ராமச்சந்திரன்
டிசமப்ர் 1987 - ஜனவரி 1988	அ.இ.அ.தி.மு.க	வி.ஆர்.நெடுஞ்செழியன்
ஜனவரி 1988 - ஜனவரி 1988	அ.இ.அ.தி.மு.க	ஜானகி ராமச்சந்திரன்
ஜனவரி 1988 - ஜனவரி 1989	ஜனாதிபதி ஆட்சி	ஆளுநர்
ஜனவரி 1989 - ஜனவரி 1991	திராவிட முன்னேற்றக் கழகம்	மு.கருணாநிதி
ஜனவரி 1991 - ஜூன் 1991	ஜனாதிபதி ஆட்சி	ஆளுநர்
1991 - 1996	அ.இ.அ.தி.மு.க	ஜெ. ஜெயலலிதா
1996 - 2001	திராவிட முன்னேற்றக் கழகம்	மு.கருணாநிதி
மே 2001 - செப்டம்பர் 2001	அ.இ.அ.தி.மு.க	ஜெ. ஜெயலலிதா
செப்டம்பர் 2001 - மார்ச் 2002	அ.இ.அ.தி.மு.க	ஓ.பன்னீர் செல்வம்
2002 - 2006	அ.இ.அ.தி.மு.க	ஜெ. ஜெயலலிதா
2006 - 2011	திராவிட முன்னேற்றக் கழகம்	மு.கருணாநிதி
2011 - 2014	அ.இ.அ.தி.மு.க	ஜெ. ஜெயலலிதா
29 Sep 2014 22 May 2015	அ.இ.அ.தி.மு.க	ஓ.பன்னீர் செல்வம்
மே 2015 - மே 2016	அ.இ.அ.தி.மு.க	ஜெ. ஜெயலலிதா
மே 2016 - டிசம்பர் 2016	அ.இ.அ.தி.மு.க	ஜெ.ஜெயலலிதா
டிசம்பர் 6, 2016 - பிப்ரவரி 15, 2017	அ.இ.அ.தி.மு.க	ஓ.பன்னீர் செல்வம்
பிப்ரவரி 2017 - மே 2021	அ.இ.அ.தி.மு.க	எடப்பாடி கே. பழனிச்சாமி
மே 2021 முதல் தற்போது வரை	திராவிட முன்னேற்றக் கழகம்	மு.க.ஸ்டாலின்

உசாத்துணை

• மேல்நிலை முதலாண்டு: அரசியல் அறிவியல்: பள்ளிக்கல்வித்துறை

---

🔏Being Created

Please do not write any content below this line. This section is only for editing templates & categories.