சாழல்

சாழல் என்னும் பாவகை இரு பெண்கள் விளையாடும் ஒரு வகையான சொல்-விளையாட்டு. ஒரு பெண் இறைவனின் செயல்களை ஏளனப்படுத்தியும்,மற்றொருத்தி உயர்த்தியும் பாடும் முறையில் அமைந்தது. மாணிக்கவாசகரின் திருச்சாழல் இவ்வகையில் அமைந்த குறிப்பிடத்தக்க இலக்கியம்.

சிலப்பதிகாரம் அரங்கேற்றுக் காதை உரையில், அடியார்க்கு நல்லார், "நல்லார் தம் தோள் வீச்சு நற்சாழல்" என இலக்கணம் கூறுகிறார். சாழல்"என்பது, மகளிர் சிலர் எதிர் எதிராக நின்றுகொண்டு, கைகளை நீட்டி, குறிப்பிட்ட பாடலைப் பாடிக்கொண்டு விளையாடும் விளையாட்டு என்று கருதப்படுகிறது.

பாடல் அமைப்பு

சாழல் பெண்கள் விளையாடும் ஓர் சொல் விளையாட்டாக பக்தி இலக்கியங்களில் இடம்பெறுகிறது. முதலாமவள் பாட்டுடை இறைவனின் தன்மைகளை எளனம் செய்ய, மற்றவள் அதற்கு இறைவனின் சிறப்பைக் கூறி பதிலளிக்கும் வண்ணம் பாடல்கள் அமைகின்றன. மாணிக்கவாசகரும் திருமங்கையாழ்வாரும் இந்த வகைமையில் பதிகங்கள் இயற்றியுள்ளனர்.

எடுத்துக்காட்டு- 1 திருச்சாழல் (மாணிக்கவாசகர்)

மலைமகளை யொருபாகம் வைத்தலுமே மற்றொருத்தி

சலமுகத்தால் அவன்சடையிற் பாயுமது என்னேடீ?

சலமுகத்தால் அவன்சடையிற் பாய்ந்திலளேல் தரணியெல்லாம்

பிலமுகத்தே புகப்பாய்ந்து பெருங்கேடாஞ் சாழலோ.

முதல் பெண்: சிவன் மலைமகளைத் தன் இடப்பாகத்தில் வைத்தபின் தலையில் சலமகளை(கங்கைய) தாங்கியது எதற்காக?

இரண்டாமவள்- அப்படித் தாங்காவிட்டால் பூமியெல்லாம் வெள்ளக்காடாகி அழிந்திருக்குமன்றோ? பகீரதன் தவத்தால் கங்கை பாய்ந்து பூமிக்கு வந்த வேகத்தில் பூமியே பாதாளத்தில் அமிழ்ந்திருக்கும்.

எடுத்துக்காட்டு-2 பெரிய திருமொழி (திருமங்கையாழ்வார்)

வண்ணக் கருங்குழல் ஆய்ச்சியால் மொத்துண்டு

கண்ணிக் குறுங்கயிற்றால் கட்டுண்டான் காணேடீ

கண்ணிக் குறுங்கயிற்றால் கட்டுண்டான் ஆகிலும்

எண்ணற்கு அரியன் இமையோர்க்கும் சாழலே!

முதல் பெண் : வண்ண மலரணிந்த குழலையுடைய ஆய்ச்சியரால் கண்ணிகள் நிறைந்த சிறு கயிற்றில் கட்டப்பட்டவந்தானே உன் கண்ணன்?

இரண்டாமவள்: சிறு கயிறால் கட்டப்பட்டவனானாலும், அவன் எண்ணற்கரியவன். அன்பிற்குக் கட்டுப்பட்டான்.

எடுத்துக்காட்டு-3 சிலப்பதிகாரம்

சிலப்பதிகாரத்தின் உரையாசிரியரின் குறிப்பில் சாழல் விளையாட்டு (கூத்து) சுட்டப்படுகிறது.

---

🔏Being Created

Please do not write any content below this line. This section is only for editing templates & categories.