ப. சரவணன்

முனைவர் ப. சரவணன் தமிழ் இலக்கிய-இலக்கண விமர்சகராகவும் தமிழ் இலக்கியப் படைப்பாளராகவும் உள்ளார். இதுவரை 60க்கும் மேற்பட்ட புத்தகங்களையும் 100க்கும் மேற்பட்ட கட்டுரைகளையும் எழுதியுள்ளார். இவரின் எழுத்துப் பணிகளைப் பாராட்டி இவருக்கு ‘எழுத்துலகத் தேனீ’ என்ற பட்டம் வழங்கப்பட்டுள்ளது. எழுத்தாளர் திரு. அ. முத்துலிங்கம் அவர்களின் சிறுகதைகளைப் பற்றி ஆய்வு மேற்கொண்டு முனைவர் பட்டம் பெற்றவர். மதுரையில் உள்ள தனியார் பள்ளியில் தமிழாசிரியராகவும் தமிழ்த்துறைத் தலைவராகவும் உள்ளார்.

முனைவர் ப. சரவணன், மதுரை.

வாழ்க்கைக் குறிப்பு

திரு. சு. பழனிசாமி -– ப. அனுசுயா தேவி தம்பதியரின் மகனாக மே 14, 1978இல் சென்னையில் பிறந்தார். மதுரை அல்-அமீன் பள்ளியில் கல்வியைத் தொடங்கி, மதுரை அமெரிக்கன் கல்லூரியில் தமிழ் இலக்கியத்தில் இளங்கலை, முதுகலைப் பட்டங்களும் சென்னையில் கல்வியியலில் இளங்கலைப் பட்டமும் திருச்செங்கோட்டில் கல்வியியலில் முதுகலைப் பட்டமும் மதுரை யாதவர் கல்லூரியில் முனைவர் பட்டமும் பெற்றவர்.

விருதுகள்

1. செந்தமிழ்த் திலகம் விருது – ஜூலை 23, 2011

2. இலக்கியச் சுடா் விருது - ஜூலை 21, 2012

படைப்புகள்

சிறியவர் முதல் பெரியவர் வரை அனைவரையும் ஈர்க்கும் விதத்தில், சிறுவர் இலக்கியம், கவிதை, சிறுகதை, சமூக நாவல், வரலாற்று நாவல், சரித்திர நாவல், கட்டுரை, பொதுக்கட்டுரை, வரலாற்று நூல்கள், பொது அறிவு நூல்கள், தன்னம்பிக்கை நூல்கள் எனப் பல்வேறு வகைகளில் இதுவரை அறுபதுக்கும் மேற்பட்ட நூல்களை எழுதியுள்ளார்.

இவரின் அனைத்து நூல்களையும் சென்னை கௌரா பதிப்பகம் வெளியிட்டுள்ளது. புனைவு, புனைவல்லாத படைப்புகளின் பட்டியல்

வ.எண்	தலைப்பு	பக்கங்கள்	நூலைப் பற்றி
1	மதுரைக்கோவில்	160	மதுரை அருள்மிகு மீனாட்சி-சுந்தரேஸ்வரர் திருக்கோவில் பற்றிய முழு வரலாறு
2	தமிழ் இலக்கியமும் இலக்கணமும்	424	தொல்காப்பியம், சங்க இலக்கியங்கள் தொடங்கி நவீன இலக்கியம், நவீனச் சொல்லகராதி வரையிலான படைப்புகள் பற்றிய தொகுப்பு.
	மோகப்பரணி	104	கவிதைத் தொகுப்பு
	அன்பின் பூங்கொத்து	112	கவிதைத் தொகுப்பு
	மேடைக்கூத்து	160	நாடகத் தொகுப்பு
	வான்டட் (தேடப்படும் குற்றவாளி)	176	க்ரைம் நாவல்
	குழியானை	366	சரித்திர நாவல்
	அப்பாவின் கால்கள்	200	தன் வரலாற்று நாவல்
	நினைவுகளின் பேரணி	240	சமூக நாவல்
	பழந்தமிழ்க் கட்டுரைகள்	528	இலக்கிய, இலக்கணக் கட்டுரைத் தொகுப்பு
	நிர்பயா	326	50 சிறுகதைகளின் தொகுப்பு
	விழிப்புணர்வு	112	25 சிறுகதைகளின் தொகுப்பு
	ஈசாப் (நீதி சார்ந்த கதைகள்)	112	சிறார் இலக்கியம் (மறுஆக்கம்)
	தெனாலிராமன் (அறிவுசார்ந்த கதைகள்)	80	சிறார் இலக்கியம் (மறுஆக்கம்)
	இரும்புப் பூக்கள்	160	சாதனைப் பெண்கள் பற்றிய கட்டுரைத் தொகுப்பு
	விடுதலைக்கான விலை உயிர்	160	இந்திய விடுதலை வீரர்களைப் பற்றிய கட்டுரைத் தொகுப்பு
	டீம் ஒர்க்	208	இணைந்து பணியாற்றுதல் குறித்த தன்னம்பிக்கை நூல்
	லீடர்	168	பணியாளர் குழுவுக்குத் தலைமையேற்றல் பற்றிய தன்னம்பிக்கை நூல்
	எது சரி? எது தவறு?	160	மாற்றுக்கல்விக்கான சிந்தனைகளை முன்வைக்கும் கட்டுரைகள்
	ஏன் படிக்க வேண்டும்? எதைப் படிக்க வேண்டும்?	160	புத்தக வாசிப்பு குறித்த இன்றியமையாமையை விளக்கும் கட்டுரைகள்
	சித்தர் நடந்த பாதை (அறம், பொருள், மனிதம்)	120	சித்தர்கள் முன்வைத்த மெய்ஞானம் பற்றிய கட்டுரைகள்
	எல்லோரும் எழுதலாம்	184	புத்தகம் எழுதும் முறை பற்றி விளக்கும் கட்டுரைகள்
	ஜாலியன்வாலா பாக் (13.04.1919)	72	வரலாற்றில் மறைந்துவிட்ட சில நிகழ்வுகளை மீட்டெடுக்கும் குறிப்புகள்
	சிப்பாய்ப் புரட்சி (29.03.1857)	90	வரலாற்றில் மறைந்துவிட்ட சில நிகழ்வுகளை மீட்டெடுக்கும் குறிப்புகள்
	புலம்பெயர்ந்தோர் வாழ்க்கை	160	புலம்பெயர்ந்த தமிழர் நிலையை விளக்கும் படைப்புகளைப் பற்றிய கட்டுரைகள்
	பண்டைய வல்லரசுகள்	176	பழைய அரசியல் கோட்பாடுகளை இன்றைய சூழலோடு ஒப்பீடு செய்யும் கட்டுரைகள்
	பாரதி (வியத்தகு ஆளுமை)	168	பாரதியைப் பற்றிய புதிய சிந்தனைகளை முன்வைக்கும் கட்டுரைகள்
	வ.உ.சி. (வியத்தகு ஆளுமை)	136
	தாகூர் (வியத்தகு ஆளுமை)	104
	வள்ளலார் (வியத்தகு ஆளுமை)	96
	ஆன்மிகப் புரட்சியாளர்கள்	104
	சிந்தனைச் சிறகுகள்	250
	சிறுகதை வரலாறும் சில ஆளுமைகளும்	168
	புனைவுலகில் அ. முத்துலிங்கம்	198
	கார்ப்ரேட் கலாச்சாரம்	160
	நாவல் வரலாறும் சில ஆளுமைகளும்	280

இணையத்தில் வெளிவந்தவை

1. எழுத்தாளர் திரு. ஜெயமோகனின் படைப்புகள் தொடர்பானவை - வெண்முரசு
2. எழுத்தாளர் திரு. எஸ். ராமகிருஷ்ணனின் படைப்புகள் தொடர்பானவை - மதிப்பீட்டுக் கட்டுரைகள்