புக்கிட் சீடிம் தோட்டத் தமிழ்ப்பள்ளி
புக்கிட் சீடிம் தோட்டத் தமிழ்ப்பள்ளி 1946 இல் தொடங்கியது. இப்பள்ளி கூலிம் பட்டணத்திலிருந்து 24 கிலோமீட்டர் தொலைவிலுள்ளது. புக்கிட் சீடிம் தோட்டத் தமிழ்ப்பள்ளி பகுதி உதவி பெறும் பள்ளியாகும்.
பள்ளி வரலாறு
புக்கிட் சீடிம் தோட்டத் தமிழ்ப்பள்ளி முதலில் பலகைக் கட்டடமாகக் குறைந்த வசதிகளோடு இருந்தது. முப்பத்தைந்து மாணவர்களுடன் இயங்கிய இப்பள்ளியின் முதல் தலைமையாசிரியர் குமரசாமி. 1970 ஆம் ஆண்டில் மாணவர் எண்ணிக்கை கூடியது. 1970 மார்ச் மாதத்தில் தேசிய நில நிதிக் கூட்டுறவுச் சங்கம் அரசாங்க அனுமதியுடன் தனது சொந்த செலவில் இரண்டு மாடிக் கட்டடத்தை எழுப்பியது. இக்கட்டடம் அலுவலகம், தலைமையாசிரியர் அறை, ஆறு வகுப்பறைகள், கழிவறை, வைப்பறை ஆகியவற்றைக் கொண்டிருந்தது. அப்போது புக்கிட் சீடிம் தோட்ட தேசிய மலாய் பள்ளியுடன் இணைந்து செயல்பட்டது.
இடமாற்றம்
1997 இல் புக்கிட் சீடிம் தோட்டத் தமிழ்ப்பள்ளி புதிய இடத்திற்கு இடம்மாறியது. இப்புதிய இடத்தை கெடா மாநில வளர்ச்சிக் கழகத்திடமிருந்து தேசிய நில நிதி கூட்டுறவுச் சங்கம் 69 ஆண்டுக்குக் குத்தகை எடுத்தது. புக்கிட் சீடிம் தோட்டத் தமிழ்ப்பள்ளிக்கு அரசாங்கம் ஒரு மாடிக் கட்டடம் கட்டித் தந்தது. 2007 இல் இப்பள்ளியில் பாலர் பள்ளி தொடங்கப்பட்டது. சிற்றுண்டிச்சாலையும் அமைக்கப்பட்டது. அக்காலக்கட்டத்தில் புக்கிட் சீடிம் தோட்டத் தமிழ்ப்பள்ளி கிரேட் B பள்ளியாக உருமாறியது.
தற்போது குறைந்த மாணவர்களுடன் செயல்படும் பள்ளியாக உள்ளது. இப்பள்ளிக்கு புக்கிட் சீடிம் தோட்டம், தாமான் சேனா, லபு பெசார் ஆகிய பகுதிகளிலிருந்து மாணவர்கள் வருகின்றனர்.
| 1 | குமரசாமி | 1946 – 1959 |
|---|---|---|
| 2 | எ.முனுசாமி | 1960 – 1971 |
| 3 | என்.முனுசாமி | 1971 – 1985 |
| 4 | மாரியப்பன் | 1986 – 1991 |
| 5 | எஸ்.ஆறுமுகம் | 1992 – 1999 |
| 6 | ஆர்.சுப்ரமணியம் | 1999 – 2003 |
| 7 | யமுனா ராணி | 2003 – 2009 |
| 8 | ருமாவதி | 2009 – 2010 |
| 9 | இரவி | 2010 – 2012 |
| 10 | மாரி அச்சனன் | 2012 – 2016 |
| 11 | எஸ்.மலர்விழி | 2016 – 2017 |
| 12 | ஜி.நவமணி | 2017 – 2019 |
| 13 | பி.செல்வி | 2019 – 2020 |
| 14 | சி.சந்திரிகா | 2020 - தற்போது வரை |
Ready for review
Please do not write any content below this line. This section is only for editing templates & categories.
