பாண்டமங்கலம் ஜி. யுவராஜ்

பாண்டமங்கலம் ஜி. யுவராஜ் (பிறப்பு மே 09, 1990) ஒரு நாதஸ்வரக் கலைஞர். திருக்கடையூர் டி.ஜி. காளிதாஸின் மாணவர்.

பிறப்பு, கல்வி

டி.பி.என். ராமநாதன் & ஜி. யுவராஜ் இணையினர்

பாண்டமங்கலம் ஜி. யுவராஜ் மே 09, 1990 அன்று தவில் கலைஞர் என். கணேசன், மல்லிகா தம்பதியருக்கு பிறந்தார். உடன்பிறந்தவர் ஒரு தங்கை. பாண்டமங்கலம் அரசு பள்ளியில் ஏழாம் வகுப்பு வரை பயின்றார்.

தனி வாழ்க்கை

பாண்டமங்கலம் ஜி. யுவராஜ் ஏப்ரல் 29, 2013 அன்று பிரியாவை திருமணம் செய்து கொண்டார். யுவராஜ், பிரியா தம்பதியருக்கு இரண்டு குழந்தைகள், மகள்: தனுஷீ, மகன்: ஜெயவிஷ்ணு.

இசைப்பணி

பாண்டமங்கலம் ஜி. யுவராஜ் 2003 ஆம் ஆண்டு கரூர் அரசு இசைப்பள்ளியில் திருக்கடையூர் டி.ஜி. காளிதாஸிடம் மாணவராக சேர்ந்தார். மூன்று ஆண்டுகள் அவரிடம் நாதஸ்வரம் பயின்றார். 2005 ஆம் ஆண்டு நாதஸ்வரக் கலைஞர் பாண்டமங்கலம் வி. மணிவாசகத்துடன் இணைந்து தனது முதல் கச்சேரியை நிகழ்த்தினார். பின் மூன்று ஆண்டுகள் அவருடன் நாதஸ்வரக் கலைஞராக இருந்தார். கடந்து ஒன்பது வருடங்களாக திருமெய்ஞானம் டி.பி.என். ராமநாதனுடன் இணைந்து கச்சேரி நிகழ்த்தி வருகிறார். கிளீவ்லேண்ட் கிளீவ்லேண்ட் தியாகராஜ ஆராதனையிலும், மலேசியாவில் உள்ள கோவில் கச்சேரியிலும் பங்கேற்றுள்ளார். காஞ்சி காமகோடி ஆஸ்தான வித்வானாக உள்ளார்.

விருதுகள்

• ’கலை ஞான சிகரம்’, தென் சோழ மண்டல இசை வேளாளர் சங்கம்
• ’பெருவங்கிய கலையரசு’ விருது
• ’நாத சுககான ராகரத்னா’ விருது
• ஒரத்தநாடு வட்ட இசைவேளாளர் சங்கம் விருது
• தமிழக அரசின் கலை பண்பாட்டு துறை கலை வளர்மணி விருது

இணைப்புகள்

• ஸ்ரீ. டி.பி.என். ராமநாதன் & ஸ்ரீ. ஜி. யுவராஜ் டூயட், யூடியூப்.காம், அக்டோபர் 09, 2022
• ராமநாதன், யுவராஜ் நாதஸ்வரம், யூடியூப்.காம், ஜூன் 28, 2023

---

Ready for review

Please do not write any content below this line. This section is only for editing templates & categories.