இமையம்

இமையம் (வெ. அண்ணாமலை) (பிறப்பு:மார்ச் 10, 1964)

வாழ்க்கைக் குறிப்பு

1964 ஆம் ஆண்டு மார்ச் மாதம் 10 ஆம் தேதியன்று கடலூர் மாவட்டம், திட்டக்குடி வட்டம், கழுதூரில் பிறந்த இவரது இயற்பெயர் வெ.அண்ணாமலை. இமையம் முதுகலைப் பட்டம் பெற்றுப் பள்ளிக்கல்வித்துறையில் ஆசிரியராகப் பணியாற்றி வருகிறார். இவரது மனைவி ச.புஷ்பவள்ளி - முதுநிலை ஆசிரியராக பணியாற்றுகிறார். குழந்தைகள் கதிரவன் மற்றும் தமிழ்ச்செல்வன்.

இலக்கிய இடம்

எழுத்தாளர் சுந்தர ராமசாமி ”கோவேறு கழுதைகள்” நாவலைப் பற்றிக் கூறுகையில், தமிழ் எழுத்துலகில் கடந்த நூறு ஆண்டுகால வளர்ச்சியில், இந்த நாவலுக்கு இணையானது வேறொன்றும் இல்லை என்று புகழ்ந்து கூறியுள்ளார்.

எனினும் இராசு கௌதமன் போன்ற தலித் சமூக அறிஞர்கள் தலித்து சமூகத்தின் அவலநிலைகளை மட்டுமே முன்னிறுத்துவதாகவும் மேல் சாதியினர் புகழக்கூடிய வகையானதாகவும் இப்புதினம் உள்ளதாகக் குற்றஞ்சாட்டுகின்றனர்

விருதுகள்

• சாகித்திய அகாதமி விருது - 2020 - செல்லாத பணம் புதினம்
• அக்னி அட்சரம் விருது - 1994
• தமிழ்நாடு முற்போக்கு எழுத்தாளர் சங்க விருது - 1994
• அமுதன் அடிகள் இலக்கிய விருது - 1998
• திருப்பூர் தமிழ்ச் சங்க விருது - 1999
• இந்திய அரசின் பண்பாட்டு அமைச்சகம் இளநிலை ஆய்வு நல்கையை-2002
• தமிழக அரசின் தமிழ்த் தென்றல் திரு வி.க. விருது -2010
• பெரியார் விருது - 2013 - திராவிடர் கழகம்.
• இயல் விருது - 2018 - தமிழ் இலக்கியத் தோட்டம், கனடா
• சாகித்திய அகாதமி விருது, 2020

நூல்கள்

நாவல்

கோவேறு கழுதைகள் 1994 ஆறுமுகம் 1999 செடல் 2006 எங் கதெ 2015 செல்லாத பணம் 2018

சிறுகதைத் தொகுப்புகள்

மண்பாரம் - 2002 வீடியோ மாரியம்மன் - 2008 கொலைச் சேவல் - 2013 சாவு சோறு - 2014 நறுமணம் - 2016 நன்மாறன் கோட்டைக் கதை - 2019

நெடுங்கதை

பெத்தவன்(க்ரியா பதிப்பகம்) - 2013

மொழிபெயர்க்கப்பட்ட நூல்கள்

• கோவேறு கழுதைகள் என்ற புதினம், 2001 இல் பீஸ்ட் ஆஃப் பர்டன் (BEAST OF BURDEN)) என்ற பெயரில் East West Books என்ற பதிப்பகத்தாரால் ஆங்கிலத்தில் மொழிபெயர்க்கப்பட்டு வெளியிடப்பட்டது. இதே புதினம் 2009 இல் பாஷா பாரதி என்னும் நிறுவனத்தால் கன்னடத்திலும் மொழிபெயர்ப்பு செய்து வெளியிடப்பெற்றுள்ளது.
• ஆறுமுகம் என்ற புதினம் கதா நிறுவனத்தால் அதே பெயரில் ஆங்கிலத்தில் 2006 இல் வெளியிடப்பெற்றுள்ளது
• பெத்தவன் என்ற நெடுங்கதை Oxford University Press என்ற பதிப்பகத்தின் மூலம் 'The Begetter' என்ற பெயரில் 2015 இல் வெளியிடப்பட்டுள்ளது

இணைப்புகள்

• இப்போது உயிரோடிருக்கிறேன் நாவல் குறித்து அ. ராமசாமி