சாத்வதம்

சாத்வத சம்ஹிதை

சாத்வதம் (சாத்வத சம்ஹிதா) வைணவ ஆகமமான பாஞ்சராத்ரத்தின் ஒரு விளக்கநூல்.

ஆகமம்

ஆகமம் என்பது மதநெறிகளை வகுத்துரைக்கும் நூல். வைணவ ஆகமங்கள் வைகானஸம், பாஞ்சராத்ரம் என இரு வகை. இவற்றில் பாஞ்சராத்ர ஆகமங்களில் சாத்வதம், பௌஷ்கரம், ஜெயாக்யம் ஆகியவை மும்மணிகள் (ரத்னத்ரயம்) எனப்படுகின்றன.

காலம்

சாத்வத சம்ஹிதை பொ.யு. 5-ம் நூற்றாண்டைச் சேர்ந்ததாக இருக்கலாம் என ஊகிக்கப்படுகிறது.

உள்ளடக்கம்

வைணவ வழிபாட்டை இந்நூல் முன்வைக்கிறது. ஈஸ்வர சம்ஹிதை இதன் சுருக்கமான எளிய வடிவமாக கருதப்படுகிறது.

உரை

சாத்வத சம்ஹிதைக்கு அளசிங்க பட்டர் பொ.யு. 19-ம் நூற்றாண்டில் உரை எழுதியிருக்கிறார்

உசாத்துணை

• சாத்வதம்- விஸ்டம் லைப்ரரி
• சாத்வத தந்த்ரம் சம்ஸ்கிருதம் இணையநூலகம்
• சாத்வத தந்த்ரம் ஆங்கிலம் இணையநூலகம்

‎

---

✅Finalised Page

முதலில் வெளியிடப்பட்ட தேதி: 04-Jun-2024, 05:46:26 IST