கமலா சத்தியநாதன்
கமலா சத்தியநாதன் (ஹானா ரத்தினம் கிருஷ்ணம்மா : 1879-1950) சென்னைப் பல்கலைக்கழகத்தின் முதல் பெண் முதுகலைப் பட்டதாரி. தென்னிந்தியாவின் முதல் ஆங்கில மற்றும் பெண்கள் இதழான The Indian Ladies Magazine-ன் ஆசிரியர். கல்வியாளர் சாமுவேல் சத்தியநாதனின் மனைவி.
பிறப்பு, கல்வி
ஹானா ரத்தினம் கிருஷ்ணம்மா என்னும் இயற்பெயர் கொண்ட கமலா சத்தியநாதன், ஜூலை 8, 1879-ல், ராஜமுந்திரியில், ஒருகன்டி சிவராமன் - கிருஷ்ணம்மா இணையருக்கு மூத்த மகளாகப் பிறந்தார். உயர்கல்வியை உள்ளூரில் முடித்த கமலா, கல்லூரிப் படிப்பை மசூலிப்பட்டினத்தில் உள்ள நோபிள் கல்லூரியில் தொடர்ந்தார்.
தனி வாழ்க்கை
தன் மகள் மேற்கல்வி கற்க வேண்டும் என்று விரும்பினார் சிவராமன். இந்நிலையில் உறவினர் ஒருவர் மூலம் W.T. சத்தியநாதன் அறிமுகமானார். அவரது மகனான சாமுவேல் சத்தியநாதனுக்குத் தன் மகளைத் திருமணம் செய்ய நிச்சயித்தார் சிவராமன். 1898-ல் அவர்கள் திருமணம் நிகழ்ந்தது. திருமணத்திற்குப் பின் சென்னை ராயப்பேட்டையில் அவர்கள் குடியேறினர்.
மனைவியின் ஆர்வங்களை அறிந்த சாமுவேல் சத்தியநாதன் அவர் முறையாக மேற் கல்வி பயில ஊக்குவித்தார். சென்னை சர்வகலாசாலையில் (சென்னைப் பல்கலைக்கழகத்தின் அன்றைய பெயர்) ஆங்கில இலக்கியத்தில் சேர்ந்தார் கமலா.
சென்னைப் பல்கலையின் முதல் பட்டதாரி
ஏற்கனவே தமிழ், தெலுங்கு, சம்ஸ்கிருதம் நன்கு அறிந்திருந்த கமலா, ஆங்கிலத்தை மிக விரும்பிக் கற்றார். சென்னைப் பல்கலையின் முதல் முதுகலைப் பட்டதாரியாகத் தேர்ச்சி பெற்றார். அப்போதைய சென்னை ராஜதானியின் ஆங்கில இலக்கியத்தில் முதல் முதுகலைப்பட்டதாரியும் கமலா சத்தியநாதந்தான். இதனை அக்காலத்தில் வெளிவந்த இதழ்கள் பாராட்டி எழுதின.
சென்னை ராஜதானியின் முதல் பெண்கள் இதழ்
பல்வேறு மொழிகள் அறிந்திருந்த கமலா, பெண்களின் உயர்வு பற்றிச் சிந்தித்தார். பிரிட்டிஷாரால் வெளியிடப்பட்ட ஆங்கில இதழ்களுக்கு அவ்வப்போது கட்டுரைகளை எழுதி வந்த அவர், நாமே ஏன் பெண்களுக்காக ஒரு பத்திரிகை தொடங்கக் கூடாது என்று நினைத்தார். கணவர் சாமுவேல் சத்தியநாதனும் அவரை ஊக்குவித்து அதற்கான முயற்சிகளைச் செய்தார். சென்னை ராஜதானியின் முதல் பெண்கள் இதழ் (The Indian Ladies' Magazine), 1901-ல் உருவானது.
தி இந்தியன் லேடீஸ் மேகஸினின் சிறப்புகள்
கமலாவின் பிற பணிகள்
மறைவு
உசாத்துணை
🔏Being Created
Please do not write any content below this line. This section is only for editing templates & categories.
