அஷ்ட பைரவர்
From Tamil Wiki
அஷ்டபைரவர் (எட்டு பைரவர்கள்) இந்து சைவ மரபின் தெய்வ உருவகங்களில் ஒன்று. பைரவர் என்னும் தெய்வம் சைவ மரபில், சிவனின் துணைத்தேவர்களில் ஒருவராக கருதப்படுகிறார். பைரவரின் எட்டு வடிவங்கள் அஷ்டபைரவர் எனப்படுகின்றன.
தொன்மம்
சிவன் தக்கனை அழித்தபோது அவருடைய நெற்றிக்கண்ணில் இருந்து தோன்றியவர் பைரவர். பைரவருக்கு நாய் வாகனமாக காணப்படும். எட்டு திசைக்கொன்றாக சிவன் எட்டு பைரவர்களை படைத்தான் எனப்படுகிறது
இடம்
வட இந்தியாவில் காசியில் அஷ்ட பைரவர் கோயில் இருக்கிறது. அதற்கடுத்து தென்னிந்தியாவில் அஷ்ட பைரவர்களுக்கென்று இருக்கும் பழமையான கோயிலாக ஆறகளூர் என்னும் ஊரிலுள்ள காமநாதீஸ்வரர் ஆலயத்தில் அமைந்துள்ள அஷ்ட பைரவர் கோயில் கருதப்படுகிறது.
எட்டு பைரவர்கள்
- அசிதாங்க பைரவர்]
- ருரு பைரவர்
- சண்ட பைரவர்
- குரோதன பைரவர்
- உன்மத்த பைரவர்
- கபால பைரவர்
- பீஷண பைரவர்
- கால பைரவர்
