ஆபரணங்கள்

பாதம், தண்டை, கை, இடுப்பு, கழுத்து, சுத்துமணி, மூக்கு, காது, தலை என உடலின் வெவ்வேறு பகுதியில் அணியப்படும் ஆபரணங்கள் உள்ளது. அவற்றின் பட்டியல் கீழே தொகுக்கப்பட்டிருக்கிறது.

ஆபரண வகைகள்

பாதம்

திருமணத்தில் மிஞ்சி அணிவது

கால் விரல்களில் அணிவன

• பெருவிரல் முடிச்சி - பெருவிரலில் அணிவது
• தடை - 2 வது விரலில் அணிவது
• மிஞ்சி - 2 வது விரலில் அணிவது
• மெட்டி - 2 வது விரலில் அணிவது
• பீலி - 3 வது விரலில் அணிவது
• பில்லணை - 4 வது விரலில் அணிவது
• பாதசரம் - கால் கொலுசு

தண்டை

• குழல்த் தண்டை
• முறுக்குத் தண்டை
• தரிசுத் தண்டை (சிலும்பு போல் இருக்கும்)

வங்கி

கை

• வங்கி - புஜத்திற்குக் கீழாக ஒரு கையில் அணிவது
• நாகவத்து - வங்கிக்கு கீழ் அணிவது
• வளவி - வளையல்கள் (வெவ்வேறு வகையில்). கங்கணம்
• மோதரம் - மோதிரங்கள்

இடுப்பு

• ஒட்டியாணம் - அரைமூடி (சிறு பெண் குழந்தைகளுக்கு அணிவது)
• அரைச்சலங்கை
• அரைஞாண்கொடி

கழுத்து

சுத்துமணி

சங்கிலி வகைகள்

• அட்டியல்
• உட்கழுத்துச் சங்கிலி (இதில் பதக்கம் கோர்த்தும் போடுவார்கள்)
• கண்டசரம்
• காசுமாலை
• கெச்சுப் புரச்சை
• கெவுடு (ஆண்கள் அணிவது)
• சரடு
• சுத்துமணி - கழுத்தை ஒட்டினாற் போலிருக்கும் இதில் சுமார் 25 எண்ணங்கள் உண்டு.
• காசு மாலை - குவலை
• தாயத்து - பவளம்
• பீங்காந்தட்டு - புடைதாக்கி
• மணி - மூணடுக்கு மணி
• வெத்திலைச் சுருட்டு
• தாலி
• பதக்கம்

மூக்கு

• மூக்குத்தி
• ஒத்தக்கல் மூக்குத்தி
• பேசரி
• முத்தும் தளுக்கும்
• பில்லாக்கு (புல்லாக்கு)
• கல் வைத்தது
• கல் வைக்காமல்
• முத்துத் தொங்கல்
• தொறட்டி

பாம்படம்

காது

• பூடி - பெண்கள் மேல் காதில் அணிவது
• குருத்தட்டு - டைமன் வடிவில் காதின் குருத்தட்டில் போடுவது
• முருகு - பூடி அணியும் இடத்திற்கு சற்று கீழாக பெண்கள் அணிவார்கள். ஆண்களும் அணிவார்கள். பெரும் பாலும் ஒரு காதில்
• பச்சைக்கல் - முருகுபோடும் இடத்தில் அதற்குப் பதில் போடுவது; கம்பியில் கட்டித் தொங்கும்
• அலுக்கு - முஸ்லீம் பெண்கள் காதில் அணியும் வளையம். வாளி என்றும் சொல்வர்.
• ஒன்னப்பு - காது வளர்த்த பெண்கள் நடுக் காதுமடலில் அணிவது
• கம்மல்
• கடுக்கன் - ஆண்கள் அணிவது. ஒருகல் வைத்தது.
• வில்கடுக்கன் - மேற்படியில் காதுக்குக் கீழாக வளைந்த இணைப்பாலானது.
• மரைக்காத்தோடு
• முக்கட்டு - மூன்று கல் பதித்தது. பெண்களும், சிறுவர்களும் அணிவது
• லோலாக்கு
• மாட்டி - காதணியிலிருந்து ஒரு மெல்லிய சங்கிலி கொக்கியுடன் போய் கூந்தலில் மாட்டிக் கொள்வது.
• குணுக்கு - பெண்கள் காது வளர்ப்பதற்காகப் போடும் வளையம். கனமானது. பித்தளையிலும் உண்டு
• தண்டட்டி - காது வளர்த்த பின் அணிவது
• மேலிடு - தண்டட்டி மாதிரியில் சதுரம் சதுரமாயிருக்கும்
• பாம்படம்
• முடிச்சி - தங்கக் கம்பியில் பின்னிய வளையம். இரண்டு அரும்பும் ஒரு சதுரக் கட்டையும் ஓடாணியும் இருக்கும்.
• காது ஓலை - கம்மவார் போன்ற தெலுங்கு இனப் பெண்கள் அணிவது

தலை, கழுத்து, காது, கை அணிகலன் அலங்காரம்

தலை

• நெத்திச்சுட்டி
• சுத்துப் பரிஞ்சி - நெத்திச்சுட்டிக்கு இரு பக்கமும் இருப்பது
• உச்சி ராக்கடி - தலை உச்சியில் வைத்துப் பின்னுவது
• கொண்டைத் திருக்கு - தாமரைப்பூக் கொண்டைத் திருக்கு. தாழம்பூக் கொண்டைத்திருக்கு. “சடைவில்லை”
• திருக்கு ராக்கடி - ஜடையில் வைத்துப் பின்னுவது
• ஜடை நாகம் - ஜடை பூராவும் நெடுக, கீழே நுனிவரையில் வருவது.
• குஞ்சம்

உசாத்துணை

• கிராமிய விளையாட்டுகள் - மற்றவைகள் - கி. ராஜநாராயணன்

‎

---

✅Finalised Page