ஏ.வி. மணிகண்டன்

ஏ.வி. மணிகண்டன்

ஏ.வி. மணிகண்டன்

ஏ.வி. மணிகண்டன் (பிறப்பு: நவம்பர் 9, 1981) புகைப்படக் கலைஞர், நவீனக்கலை, இலக்கிய விமர்சகர். புகைப்படக்கலை சார்ந்த புத்தகங்கள், நவீனக்கலை, இலக்கியம் சார்ந்த ரசனை விமர்சனக் கட்டுரைகள் எழுதியுள்ளார்.

பிறப்பு, கல்வி

ஏ.வி. மணிகண்டன் தஞ்சாவூர் மாவட்டம் ஒரத்தநாட்டில் நவம்பர் 9, 1981-இல் வெங்கடேசன், மீனாட்சி இணையருக்கு மகனாகப் பிறந்தார். உடன்பிறந்தவர் ஒரு அக்கா. அரசு மேல்நிலைப்பள்ளி புதூரில் பள்ளிப்படிப்பு பயின்றார். 1997-2002-இல் கும்பகோணம் அரசு கவின்கலைக் கல்லூரியில் ஓவிய நுண்கலை பட்டப்படிப்பு (BFA) பயின்றார்.

தனிவாழ்க்கை

ஏ.வி. மணிகண்டன் 2009-இல் கிருஷ்ணப்ரபாவை திருமணம் செய்து கொண்டார். மகள் யாதிகா. திரைப்படத்துறையில் கணினி வரைகலை நிபுணராக பணியில் உள்ளார். பெங்களூரில் குடும்பத்துடன் வசிக்கிறார்.

கலை வாழ்க்கை

ஏ.வி. மணிகண்டனின் முதல் படைப்பு ’Another Spring’ 2015-இல் வெளியானது. இவரின் நவீனக் கலை, இலக்கியம் சார்ந்த ரசனை விமர்சனக் கட்டுரைகள் ஜெயமோகன் தளம், அகழ் மின்னிதழ் மற்றும் பிற இலக்கிய சிற்றிதழ்களில் வெளியாகியுள்ளன.

புகைப்படம் ஆக்கத்தில் செல்வாக்கு செலுத்திய முன்னோடிகளாக ரகுபீர் சிங் (Raghubir Singh), தயானைதா சிங் (Dayanaita Singh), ராபர்ட் ஃப்ராங் (Robert Frank), அலெக் சோத் (Alec Soth), நெபுயோஷி அராக்கி (Nobuyoshi Araki) ஆகியோரைக் குறிப்பிடுகிறார். கலை நோக்கில் செல்வாக்கு செலுத்திய ஆசிரியர்களாக ஜெயமோகன், நிக்காஸ் கஸாந்த்ஸாகீஸ், மார்சல் ப்ரௌஸ்ட், ஐசக் பாஷவிஸ் சிங்கர், அரவிந்தர், அவீக் சென், தார்க்கோவ்ஸ்கி ஆகியோரைக் குறிப்பிடுகிறார்.

நூல் பட்டியல்

• Another Spring (2015)
• Let it go (2015)
• Young men and the Sea (2017)
• There is no Mt.Fuji in Bengaluru Dear Hokusai (2018)
• Ahir Bhairav (2020)
• One Hundred days (2020)
• Going Home (2021)
• Kaveri (2022)

இணைப்புகள்

• ஏ.வி. மணிகண்டன்: வலைதளம்
• ஏ.வி. மணிகண்டன்: ஜெயமோகன் தளம்
• அருகமர்தல்: ஏ.வி. மணிகண்டன்: ஜெயமோகன் தளம்
• புகைப்படம் கலையா? ஏ.வி.மணிகண்டன்: ஜெயமோகன் தளம்
• இந்தியக்கலை – ஏ .வி. மணிகண்டன் கடிதம்
• கலைக்கோட்பாடுகள் எதற்கு?: ஏ.வி.மணிகண்டன்
• ஏ.வி.மணிகண்டன்: கலை சார்ந்த கட்டுரைகள்: அகழ் மின்னிதழ்

இந்த பக்கம் தற்பொழுது மெய்ப்பு பார்க்கப்படுகிறது. மாற்றம் எதுவும் செய்ய வேண்டாம்

---

Ready for review

Please do not write any content below this line. This section is only for editing templates & categories.