சங்கரதாஸ் சுவாமிகள்

Work in progress by Subhasrees

---

🔏Being Created

Please do not write any content below this line. This section is only for editing templates & categories. சங்கரதாஸ் சுவாமிகள் (செப்டம்பர் 7, 1867 - நவம்பர் 13, 1922) தமிழ் நாடக உலகில் முதன்மையானவர். “நாடகத் தமிழின் தலைமையாசிரியர்” என்று குறிப்பிடப்படுபவர். கூத்து மரபிலிருந்து உருவாகி வந்த நாடகக் கலை அரங்க மரபிற்கு ஏற்ப சங்கரதாஸ் சுவாமிகள் காலத்தில் உருபெற்றது. தமிழ் நாடக வரலாற்றில், நாற்பதுக்கும் மேற்பட்ட நாடகங்களை இயற்றிய நாடக ஆசிரியர், ஏராளமான கலைஞர்களை உருவாக்கி நாடகப் பயிற்சி அளித்த நாடகப் பயிற்சியாளர் என்ற இரண்டு கூறுகளில் இவரது முக்கிய பங்களிப்பு இருக்கிறது.

பிறப்பு, இளமை

சங்கரதாஸ் சுவாமிகள் தூத்துக்குடிக்கு அருகிலுள்ள காட்டுநாய்க்கன்பட்டி என்னும் சிற்றூரில் 1867 செப்டம்பர் 7-ஆம் தேதி(ஆவணி 22) பிறந்தார். தந்தை இராமாயணப் புலவர் என அழைக்கப்பட்ட தாமோதரக் கணக்கப் பிள்ளை, தாய் பேச்சியம்மாள்.  இவரது இயற்பெயர் சங்கரன்.

தொடக்கக் கல்வியை தமிழ்ப் புலவராகிய தந்தை தாமோதரனாரிடம் பயின்றார். பின்னர் பழனியில் வாழ்ந்த தண்டபாணி சுவாமிகளிடம் தமிழ்க்கல்வி பயின்று சங்க இலக்கியங்கள், நீதிநூல்கள், புராணங்கள், இதிகாசங்கள் போன்றவற்றைக் கற்றார். வண்ணம் பாடுவதில் புலமை பெற்ற வண்ணச்சரபம் தண்டபாணி சுவாமிகளிடம் பாடம் பயின்று  இசைப்பாடல்களான வண்ணம். சந்தம் ஆகியவற்றைப் பாடும் திறனையும் இசைப்பாடல்கள் இயற்றும் புலமையையும் பெற்றார்.

தனிவாழ்க்கை

தூத்துக்குடி உப்புப் பண்டகசாலையில் சில காலம் கணக்கராக வேலை பார்த்தார். இருபத்து நான்காவது வயதில் நாடக உலகில் நுழைந்தார். சாமி நாயுடு அவர்களின் நாடக சபையில் சிலகாலம் சங்கரதாஸ் ஆசிரியராக இருந்தார்

சாமி நாயுடு நாடகக் குழுவில் பணியாற்றும்பொழுது உலகியலில் வெறுப்புற்ற சங்கரதாஸ் முருகனின் அருள்வேண்டி தீர்த்த யாத்திரை மேற்கொண்டார். இடுப்பில் மட்டும் உடையுடுத்தி யாத்திரை மேற்கொண்ட சங்கரதாசரை சுவாமிகள் என அழைக்கத் தொடங்கினர். தவத்திரு சங்கரதாஸ் சுவாமிகள் என்று அறியப்படலானார். அப்பயணத்தின் இறுதியில் புதுக்கோட்டை மகாவித்துவான் கஞ்சிரா மான் பூண்டியா பிள்ளை என்பவருடன் சங்கர்தாசர் தங்கினார். அவர் சங்கரதாஸை தன்னுடைய மகனாக தத்து எடுத்துக்கொண்டார்.

படைப்புகள்

தமிழ் நாடகத் தலைமையாசிரியர் என அழைக்கப்படும் சங்கரதாசர் சுமார் 40 நாடகங்களை எழுதியுள்ளார். அவற்றில் இப்போது 18 நாடகங்களுக்கான பிரதிகளே கிடைத்துள்ளன.

எண்	நாடகம்	ஆண்டு	கிடைத்தவை
01	அபிமன்யு சுந்தரி	1921	அபிமன்யு சுந்தரி
02	அரிச்சந்திரா		அரிச்சந்திரா
03	அல்லி அர்ஜூனா		அல்லி சரித்திரம்
04	இரணியன்
05	லங்கா தகனம்
06	கர்வி பார்ஸ்		கர்வி பார்ஸ்
07	குலேபகாவலி
08	கோவலன் சரித்திரம்	1912	கோவலன் சரித்திரம்
09	சதி அனுசுயா		ஸதி ஆநுசூயா
10	சதிசுலோசனா
11	சத்தியவான் சாவித்திரி		சத்தியவான் சவித்திரி
12	சாரங்கதரன்		சாரங்கதரன்
13	சிறுத்தொண்டர்
14	சீமந்தனி		சீமந்தினி நாடகம்
15	சுலோசனா சதி		சுலோசனா ஸதி
16	ஞான சௌந்தரி சரித்திரம்		ஞான சௌந்தரி சரித்திரம்
17	நல்ல தங்காள்		நல்லதங்காள்
18	பவளக்கொடி		பவளக்கொடி சரித்திரம்
19	பாதுகாபட்டாபிசேகம்
20	பார்வதி கல்யாணம்
21	பிரகலாதன்		பிரஹலாதன் சரித்திரம்
22	பிரபுலிங்கலீலை
23	மணிமேகலை
24	மிருச்சகடி
25	ரோமியோவும் ஜூலியத்தும்
26	வள்ளித் திருமணம்		வள்ளித்திருமணம்
27	வீரஅபிமன்யு
28	லவகுசா		லவகுச நாடகம்
29	லலிதாங்கி		லலிதங்கி நாடகம்

மறைவு

1921 ஆம் ஆண்டில் பக்கவாதத்தால் பாதிக்கப்பட்டு சங்கரதாஸ் சுவாமிகளுக்கு வலதுகையும் இடதுகாலும் முடங்கி வாய்திறந்து பேச இயலாது போய்விட்டது. இந்நிலையிலேயே 1922 நவம்பர் 13 ஆம் நாள் திங்கட்கிழமை இரவு புதுச்சேரியில் மரணமடைந்தார்.  இவரது சமாதி புதுச்சேரியில் அமைந்துள்ளது.