ஜெயங்கொண்டார்: Difference between revisions
No edit summary |
changed template text |
||
| Line 22: | Line 22: | ||
* [https://www.projectmadurai.org/pm_etexts/utf8/pmuni0563.html கவிச்சக்கரவர்த்தி ஒட்டக்கூத்தர்- சி.பாலசுப்ரமண்யன் சொற்பொழிவுகள்( Project Madurai)] | * [https://www.projectmadurai.org/pm_etexts/utf8/pmuni0563.html கவிச்சக்கரவர்த்தி ஒட்டக்கூத்தர்- சி.பாலசுப்ரமண்யன் சொற்பொழிவுகள்( Project Madurai)] | ||
{{ | {{First review completed}} | ||
[[Category:Tamil Content]] | [[Category:Tamil Content]] | ||
Revision as of 14:10, 15 November 2022

ஜெயங்கொண்டார் பொ.யு. 11-ஆம் நூற்றாண்டைச் சேர்ந்த தமிழ்ப்புலவர். பிற்கால சோழர் கால இலக்கியமான கலிங்கத்துப்பரணியைப் பாடியவர். முதலாம் குலோத்துங்கனுடைய அவைக்களப் புலவராக இருந்தவர்.
வாழ்க்கைக் குறிப்பு
பொ.யு. 11-ஆம் நூற்றாண்டில் அரசாண்ட ராஜேந்திரன் (கங்கை கொண்டான்) மகளாகிய மங்காதேவிக்கும் ராஜராஜனுக்கும் பிறந்த விஜயதரனது அவைக்களப் புலவராக இருந்தார். ஒட்டக்கூத்தர் இவரின் சமகாலத்தவர். இவர் திருவாரூர் மாவட்டத்தில் தீபங்குடியைச் சார்ந்தவராதலால் அருகர் என்பர். காப்புச் செய்யுளின் வழி இவர் சைவர் எனவும் அறியலாம்.
இலக்கிய வாழ்க்கை
முதன்முதலில் பரணி பாடியவர். முதலாம் குலோத்துங்கன் கலிங்கத்துப் போரில் வெற்றி பெற்றதையொட்டி அவரின் வேண்டுகோளுக்கிணங்க கலிங்கத்துப்பரணி பாடினார். ஒவ்வொரு பாடலுக்கும் ஒரு பொன்னாலான தேங்காயை உருட்டிக் கவிஞரையும் நூலையும் குலோத்துங்கன் சிறப்பு செய்ததாகக் கூறப்படுகிறது. பிற்காலப் புலவரான பலபட்டடைச் சொக்கநாதர் "பரணிக்கோர் செயங்கொண்டார்" என்று கூறியுள்ளார். ஒட்டக்கூத்தர் "தெந்தமிழ்த்தெய்வப் பரணி" என்று இவர் பாடிய பரணியைக் கூறியுள்ளார்.
புகார் நகர வணிகப் பெருமக்களைச் சிறப்பித்து இசை ஆயிரம் என்ற நூலை இயற்றினார். விழுப்பரையர் மீது உலாமடல் நூலையும் பாடியுள்ளார்.
நூல் பட்டியல்
- கலிங்கத்துப்பரணி
- இசை ஆயிரம்
- உலாமடல்
ஜெயங்கொண்டார் பற்றிய நூல்கள்
- ஜெயங்கொண்டார் சதகம்: முத்தப்ப செட்டியார்
உசாத்துணை
- தமிழ்ப்புலவர் வரிசை: சு.அ. ராமசாமிப்புலவர்
- கவிச்சக்கரவர்த்தி ஒட்டக்கூத்தர்- சி.பாலசுப்ரமண்யன் சொற்பொழிவுகள்( Project Madurai)
🖒 First review completed
Please do not write any content below this line. This section is only for editing templates & categories.