ஹாருகி முரகாமி

ஹாருகி முரகாமி

மிகையதார்த்தவாதம் மற்றும் யதார்த்தவாதம் ஆகியவற்றின் தனித்துவமான கலவைக்காக கொண்டாடப்படும் ஒரு புகழ்பெற்ற ஜப்பானிய எழுத்தாளர் ஹருகி முரகாமி. "நோர்வே வூட்" (1987) நாவலின் மூலம் சர்வதேச அளவில் கவனம் ஈர்த்தார். அவரது நாவல்கள் ஐம்பதுக்கும் மேற்பட்ட மொழிகளில் மொழிபெயர்க்கப்பட்டுள்ளன. அதன் மூலம் உலகளாவிய வாசகர்களையும் ஏராளமான இலக்கிய விருதுகளையும் பெற்றுள்ளார்.

பிறப்பு, கல்வி & வாழ்க்கை

ஹருகி முரகாமி ஜனவரி 12, 1949 அன்று ஜப்பானின் கியோட்டோவில் பிறந்தார். அவரது தந்தை சியாக்கி முரகாமி, ஒரு பௌத்த மதகுருவின் மகன். அவரது தாயார் மியுகி, ஒசாகா வணிகரின் மகள். பெற்றோர் இருவரும் ஜப்பானிய இலக்கியம் கற்பித்து வந்தனர். இதன் மூலம், சிறு வயதிலிருந்தே மேற்கத்திய படைப்புகளில் ஆர்வத்தை வளர்த்துக் கொண்டார்.

முரகாமி டோக்கியோவில் உள்ள வசேடா பல்கலைக்கழகத்தில் பயின்றார், அங்கு அவர் நாடகத்தைப் படித்தார் மற்றும் அவரது மனைவி யோகோவை சந்தித்தார். 1971-ல் யோகோ தகாஹாஷியை மணந்தார். அவர்களுக்கு குழந்தைகள் இல்லை. அவர்கள் இருவரும் அமெரிக்கா உட்பட பல்வேறு நாடுகளில் வசித்து வந்தனர். அமெரிக்காவின் டஃப்ட்ஸ் பல்கலைக்கழகம், பிரின்ஸ்டன் பல்கலைக்கழகம் மற்றும் ஹார்வர்ட் பல்கலைக்கழகத்தில் எழுத்தாளராக முரகாமி பல ஆண்டுகள் கழித்தார்.

முரகாமி தனது ஒழுக்கமான வாழ்க்கை முறைக்கு பெயர் பெற்றவர். அவர் அதிகாலை 4:00 மணிக்கு எழுந்து, ஐந்து முதல் ஆறு மணி நேரம் பணி செய்கிறார். பின்னர் 10 கிலோமீட்டர் ஓட்டத்திற்கு செல்கிறார் அல்லது 1,500 மீட்டர் (அல்லது இரண்டும்) நீந்துகிறார். இரவு 9:00 மணிக்கு படுக்கைக்குச் செல்கிறார். இந்த வழக்கம் அவரது தீவிர எழுத்து அட்டவணைக்கு தேவையான உடல் மற்றும் மன சகிப்புத்தன்மையை பராமரிக்க உதவுகிறது. முரகாமி ஒரு தீவிர மராத்தான் ஓட்டப்பந்தய வீரர் மற்றும் டிரையத்லெட். உலகளவில் பல நிகழ்வுகளில் பங்கேற்றுள்ளார்.

முழுநேர எழுத்தாளராக மாறுவதற்கு முன்பு, 1974 முதல் 1981 வரை டோக்கியோவில் ’பீட்டர் கேட்’ என்ற ஜாஸ் கிளப்பை நடத்தினார். இசை, குறிப்பாக ஜாஸ், கிளாசிக்கல் மற்றும் ராக் பற்றிய அவரது பரந்த அறிவு, பெரும்பாலும் அவரது நாவல்களில் முக்கியமாக இடம்பெறுகிறது.

இலக்கியம்

முரகாமியின் இலக்கிய வாழ்க்கை எதிர்பாராத விதமாக ஒரு பேஸ்பால் விளையாட்டைப் பார்த்துக் கொண்டிருந்தபோது தனது முதல் நாவலான "ஹியர் தி விண்ட் சிங்" (Hear the Wind Sing, 1979) எழுத உத்வேகம் பெற்றபோது தொடங்கியது. இந்த நாவல் புதிய எழுத்தாளர்களுக்கான ’குன்சோ விருதை’ வென்றது. இந்த அறிமுகத்தைத் தொடர்ந்து ’ட்ரைலாஜி ஆஃப் தி ராட்’ (Trilogy of the Rat) என்ற பெயரில் ’பின்பால், 1973’ (Pinball 1973, 1980) மற்றும் ’எ வைல்ட் ஷீப் சேஸ்’ (A Wild Sheep Chase, 1982) என மேலும் இரண்டு நாவல்கள் வெளிவந்தன.

திருப்புமுனை மற்றும் சர்வதேச அங்கீகாரம்

முரகாமியின் எழுத்துலகில் திருப்புமுனை ’நோர்வேயன் வூட்’ (Norwegian Wood, 1987) என்ற நாவல் மூலம் நிகழ்ந்தது. பாலியல் தொடர்பான ஏக்கம் நிறைந்த இக்கதை, ஜப்பானில் மில்லியன் கணக்கான பிரதிகள் விற்று அவரை ஒரு இலக்கிய நாயகனாக மாற்றியது.

’Hard-Boiled Wonderland and the End of the World’ (1985), ’The Wind-Up Bird Chronicle’ (1994-1995) மற்றும் ’Kafka on the Shore’ (2002) போன்ற அவரது பிற்கால படைப்புகள் அவருக்கு மேலும் புகழ் சேர்த்தன.

எழுத்து நடை

முரகாமியின் எழுத்து அன்றாட நிகழ்வுகளுடன் கற்பனையின் கூறுகளை இணைக்கும் மிகையதார்த்தவாதம் மற்றும் யதார்த்தவாதத்தின் கலவையால் வகைப்படுத்தப்படுகிறது. பொதுவான கருப்பொருள்களில் தனிமை, அடையாளத்திற்கான தேடல், யதார்த்தத்திற்கும் கனவுகளுக்கும் இடையிலான தொடர்பு மற்றும் நிகழ்காலத்தில் கடந்த காலத்தின் தாக்கம் ஆகியவை அடங்கும். அவரது படைப்புகள் பெரும்பாலும் இசை, பாப் கலாச்சாரம் மற்றும் மேற்கத்திய இலக்கியம் பற்றிய குறிப்புகளைக் கொண்டுள்ளன. இது அவருக்கென ஒரு தனித்துவமான கதை சொல்லுன் பாணியை உருவாக்கியது.

உலகளாவிய செல்வாக்கு

முரகாமியின் படைப்புகள் 50 க்கும் மேற்பட்ட மொழிகளில் மொழிபெயர்க்கப்பட்டுள்ளன. இதன் மூலம், அவரை உலகளவில் மிகவும் பரவலாக படிக்கப்படும் ஜப்பானிய எழுத்தாளர்களில் ஒருவராக மாற்றியது.

ஜப்பானில், முரகாமியின் படைப்புகள் விமர்சகர்களிடமிருந்து கலவையான விமர்சனங்களைப் பெற்றன. ஆனால் பொது மக்களிடையே மிகவும் பிரபலமாக உள்ளன. சில பாரம்பரிய ஜப்பானிய விமர்சகர்கள் அவரது மேற்கத்திய தாக்கங்கள் குறித்து சந்தேகம் எழுப்புகின்றனர்.

விமர்சங்கள்

முரகாமி பெரும்பாலும் மேற்கத்திய எழுத்தாளர்களான ஃபிரான்ஸ் காஃப்கா, கேப்ரியல் கார்சியா மார்க்வெஸ் மற்றும் கர்ட் வோனெகட் ஆகியோருடன் ஒப்பிடப்படுகிறார்,

படைப்புகள்

நாவல்கள் (ஆங்கில பதிப்பு)

• 1987/2015 - Hear the Wind Sing
• 1985/2015 - Pinball, 1973
• 1989 - A Wild Sheep Chase
• 1989 - Norwegian Wood
• 1991 - Hard-Boiled Wonderland and the End of the World
• 1994 - Dance Dance Dance
• 1997 - The Wind-Up Bird Chronicle
• 2000 - South of the Border, West of the Sun
• 2001 - Sputnik Sweetheart
• 2005 - Kafka on the Shore
• 2007 - After Dark
• 2011 - 1Q84
• 2014 - Colorless Tsukuru Tazaki and His Years of Pilgrimage
• 2018 - Killing Commendatore
• 2024 - The City and Its Uncertain Walls

சிறுகதை தொகுப்புகள்

• 1981 - Let's Meet in a Dream
• 1993 - The Elephant Vanishes
• 2002 - After the Quake
• 2006 - Blind Willow, Sleeping Woman
• 2017 - Men Without Women
• 2021 - First Person Singular

விருதுகள்

முரகாமி பிரான்ஸ் காஃப்கா பரிசு, ஜெருசலேம் பரிசு மற்றும் உலக கற்பனை விருது உட்பட பல இலக்கிய விருதுகளைப் பெற்றுள்ளார். அவரது பரவலான புகழ் மற்றும் விமர்சனங்கள் உலகெங்கிலும் இருந்தபோதிலும், அவர் இன்னும் இலக்கியத்திற்கான நோபல் பரிசை வெல்லவில்லை.