View source for கே. ஆர். ஸ்ரீநிவாச ஐயங்கார்

[[File:Dr. K.R.Srinivasa Iyengar.jpg|thumb|கே. ஆர். ஸ்ரீநிவாச ஐயங்கார்]]
[[File:Screenshot (97).png|thumb|சிவராம காரந்துடன்]]
[[File:Screenshot (98).png|thumb|மகள் பிரேமா நந்தகுமார், மனைவியுடன்]]
[[File:Screenshot (99).png|thumb|சாகித்ய அக்காதமி கூடம் திறப்புவிழா]]
[[File:Screenshot (96).png|thumb|தெ போ மீனாட்சிசுந்தரத்திற்கு சாகித்ய அக்காதமி ஃபெலோஷிப் அளித்தல்]]
[[File:Screenshot (94).png|thumb|கே ஆர் சீனிவாசன்]]
கே. ஆர். ஸ்ரீநிவாச ஐயங்கார் (கோடகநல்லூர் ராமஸ்வாமி ஸ்ரீநிவாச ஐயங்கார்) (ஏப்ரல் 17, 1908 - ஏப்ரல் 15, 1999) (கே.ஆர்.ஸ்ரீனிவாச ஐயங்கார், கே.ஆர்.ஸ்ரீனிவாஸ ஐயங்கார். கே.ஆர்.சீனிவாச ஐயங்கார். கே.ஆர்.சீனிவாசன்) எழுத்தாளர், மொழிபெயர்ப்பாளர், திறனாய்வாளர், சொற்பொழிவாளர். கல்லூரிப் பேராசிரியராகவும், ஆந்திரப் பல்கலையின் துணை வேந்தராகவும் பணியாற்றினார். முதன்முதலில் ஸ்ரீ அரவிந்தரின் வாழ்க்கை வரலாற்றை விரிவாக எழுதியவராக அறியப்படுகிறார். இந்திய அரசின் சாகித்ய அகாதெமி விருது பெற்றார்.  

== பிறப்பு, கல்வி ==
கே. ஆர். ஸ்ரீநிவாச ஐயங்கார், ஏப்ரல் 17, 1908-ல், அன்றைய இராமநாதபுரம் (இன்றைய விருதுநகர்) மாவட்டத்தில் உள்ள சாத்தூரில், பி. ராமஸ்வாமி ஐயங்கார் - லக்ஷ்மி அம்மாள் இணையருக்கு இரண்டாவது மகனாகப் பிறந்தார்.  

திருநெல்வேலியிலும், பாளையங்கோட்டையிலும் பள்ளிக் கல்வி கற்றார். பாளையங்கோட்டை புனித சேவியர் கல்லூரியின் அருட்தந்தை ஜெரோம் டி சோசா தன் வாழ்நாள் ஆதர்சங்களில் ஒருவர் என்று ஸ்ரீனிவாச ஐயங்கார் குறிப்பிடுகிறார். 

சென்னைப் பல்கலைக்கழகத்தில் பயின்று 1928-ல் கணிதத்தில் இளங்கலை பட்டம் பெற்றார். 1932-ல் ஆங்கிலத்தில் முதுகலை பட்டம் பெற்றார். ஸ்ரீ [[அரவிந்தர்|அரவிந்த]]ரின் தத்துவங்களைக் குறித்து மிக விரிவாக ஆராய்ந்து ஆந்திரப் பல்கலைக்கழகத்தில் முதுமுனைவர் (டி.லிட்) பட்டம் பெற்றார். 

== தனி வாழ்க்கை ==
கே. ஆர். ஸ்ரீநிவாச ஐயங்கார் மணமானவர். மனைவி: பத்மாசினி. மகன், பேராசிரியர் [[எஸ். அம்பிராஜன்]], புகழ்பெற்ற பொருளாதார வல்லுநர். மகள் முனைவர் [[பிரேமா நந்தகுமார்]], தமிழகத்தில் நன்கு அறியப்பட்ட பேச்சாளர், எழுத்தாளர், திறனாய்வாளர்.

== கல்விப் பணிகள் ==

* கே. ஆர். ஸ்ரீநிவாச ஐயங்கார் இலங்கை வல்வெட்டித்துறை சித்தமன்னார வித்தியாலயத்தில் கணிதம் மற்றும் ஆங்கில ஆசிரியராகப் பணிபுரிந்தார். 
* பெல்காமில் உள்ள லிங்கராஜ் கல்லூரியில் ஆங்கிலப் பேராசிரியராகப் பணியாற்றினார். 
* 1944-ல், பாகல்கோட்டில் உள்ள பசவேஸ்வர் கல்லூரி முதல்வராகப் பொறுப்பேற்றார். 
* 1947-ல், ஆந்திரப் பல்கலைக்கழகத்தில், ஆங்கிலத்துறைப் பேராசிரியராகவும், துறைத் தலைவராகவும் நியமனம் செய்யப்பட்டார். 
* 1966-ல், ஆந்திரப் பல்கலையின் துணை வேந்தரானார். 
* அமெரிக்கா, இங்கிலாந்து நாடுகளில் உள்ள சில கல்லூரிகளின் வருகை தரு பேராசிரியராகப் பணியாற்றினார். லீட்ஸ் பல்கலைக்கழகத்தில் ஆங்கிலப் பேராசிரியராகப் பணிபுரிந்தார்,

[[File:Book by KRS.jpg|thumb|கே. ஆர். ஸ்ரீநிவாச ஐயங்கார் நூல்கள்]]

== இலக்கிய வாழ்க்கை ==
கே.ஆர்.ஸ்ரீனிவாச ஐயங்கார் அவர் எழுதிய வாழ்க்கை வரலாறுகள், ஒப்பிலக்கிய ஆய்வுகள், இலக்கியத் திறனாய்வுகள் மற்றும் இலக்கிய வரலாறுகளுக்காக மதிக்கப்படுகிறார்.  உலக அளவில் ஷேக்ஸ்பியரின் 400-வது ஆண்டுவிழாக் கொண்டாட்டம், 1964-ல், இங்கிலாந்தில் நடைபெற்றபோது, அதற்காக ஆசியாவிலிருந்து அழைக்கப்பட்ட ஒரே ஆங்கில அறிஞர் கே. ஆர். ஸ்ரீநிவாச ஐயங்கார்.  

கே. ஆர். ஸ்ரீநிவாச ஐயங்கார் உலக அளவில் பல்வேறு கருத்தரங்குகளில் கலந்துகொண்டு சிறப்புரையாற்றினார். கட்டுரைகளைச் சமர்ப்பித்தார். ஆங்கிலத்தில் நாற்பதுக்கும் மேற்பட்ட நூல்களை எழுதினார். 

====== வாழ்க்கை வரலாறுகள் ======
கே. ஆர். ஸ்ரீநிவாச ஐயங்கார் அரவிந்தர் மற்றும் [[அன்னை]]யின் தத்துவங்களால் ஈர்க்கப்பட்டார். அவை குறித்துப் பல கட்டுரைகளை, நூல்களை  எழுதினார். முதன்முதலில் ஸ்ரீ அரவிந்தரின் வாழ்க்கை வரலாற்றை விரிவாக எழுதி ஆவணப்படுத்தினார். அன்னையின் வாழ்க்கை வரலாற்றையும் விரிவாக எழுதினார். விவேகானந்தரின் வாழ்க்கை வரலாற்றையும் எழுதினார் 

====== ஒப்பிலக்கியம் ======
ஸ்ரீனிவாச ஐயங்கார் ஆங்கிலத்தில் எழுதப்பட்ட விரிவான இலக்கிய ஆய்வுக் கட்டுரைகளுக்காக புகழ்ப்ற்றவர். இந்திய அமெரிக்க இலக்கியங்களை ஒப்பிட்டு கே. ஆர். ஸ்ரீநிவாச ஐயங்கார் எழுதியிருக்கும் ஆய்வு நூல்களும், கட்டுரைகளும் குறிப்பிடத்தகுந்தவையாகக் கருதப்படுகின்றன. 

======மொழிபெயர்ப்பு======
கே. ஆர். ஸ்ரீநிவாச ஐயங்கார் பசவேஸ்வராவின் வாழ்க்கை வரலாற்றை ஆங்கிலத்தில் மொழிபெயர்த்தார். [[சங்கரர்|ஆதிசங்கரர்]], [[விவேகானந்தர்]], ரவீந்திரநாத் தாகூர், கிருஷ்ண கீதம் போன்ற கே. ஆர். ஸ்ரீநிவாச ஐயங்காரின் ஆங்கில மொழிபெயர்ப்பு நூல்கள் குறிப்பிடத்தகுந்தவை. [[வில்லியம் ஷேக்ஸ்பியர்|ஷேக்ஸ்பியரின்]] நாடகமான 'மாக்பெத்'தைத் தமிழில் மொழிபெயர்த்தார். சுந்தர காண்டத்தின் ஆங்கில மொழிபெயர்ப்பு 'The Epic Beautiful' என்ற தலைப்பில் வெளியானது.

======திறனாய்வு======
கே.ஆர். ஸ்ரீநிவாச ஐயங்கார், இந்திய ஆங்கில இலக்கிய ஆய்வில் முன்னோடியாகத் திகழ்ந்தார். அவரது பெரும்பாலான இலக்கியத் திறனாய்வுகள், விமர்சனங்கள் பிரிட்டிஷ் எழுத்தாளர்களைப் பற்றியதாக அமைந்தது. ஷேக்ஸ்பியர் முதல் [[டி.எஸ். எலியட்]] வரை பலரைப் பற்றி எழுதினார். லிட்டன் ஸ்ட்ராச்சி (Lytton Strachey), ஜி.எம். ஹாப்கின்ஸ் (G.M. Hopkins), ஃபிராங்கோயிஸ் மௌரியாக்(François Mauriac) உள்ளிட்ட பல எழுத்தாளர்களின் படைப்புகளை ஆராய்ந்து திறனாய்வுக் கட்டுரைகளை, நூல்களை எழுதினார். ஐரோப்பிய எழுத்தாளர்களைப் பற்றியும், அமெரிக்க, ஆப்பிரிக்க எழுத்தாளர்களைப் பற்றியும் பல கட்டுரைகளை, நூல்களை எழுதினார். 

====== இலக்கிய வரலாறு ======
கே.ஆர்.ஸ்ரீனிவாச ஐயங்கார் எழுதிய இந்திய ஆங்கில இலக்கிய வரலாறு , சுதந்திரம் வரைக்குமான இந்திய இலக்கிய வரலாறு,  நவீன இந்திய நாடகம் போன்ற இலக்கிய வரலாற்றுநூல்கள் கல்வித்துறையில் நீண்டகாலமாக பயிலப்படுபவை. 

==அமைப்புச் செயல்பாடுகள் ==
கே. ஆர். ஸ்ரீநிவாச ஐயங்கார், [[சாகித்ய அகாதெமி]] நிறுவனத்தின் துணைத் தலைவராகவும், செயல் தலைவராகவும் பணியாற்றினார். 1969 முதல் 1978 வரை சுமார் எட்டாண்டு காலத்தில், சாகித்ய அகாதெமியில் கே. ஆர். ஸ்ரீநிவாச ஐயங்கார் ஆற்றிய இலக்கியப் பணிகள் குறிப்பிடத்தக்கதாய் அமைந்தன. சிறந்த தமிழ் இலக்கியப் படைப்புகள் பலவறை இந்தியாவின் பல்வேறு மொழிகளில் மொழிபெயர்க்கச் செய்தார்.

==பொறுப்பு==

*ஆங்கிலம் மற்றும் மேலை மொழிகள் நிறுவனத்தின் உறுப்பினர்.
*ஐக்கிய அமெரிக்க நவீன மொழிக் கூட்டமைப்பின் கௌரவ உறுப்பினர்
*அகில இந்திய ஆங்கிலப் பாடத் திட்டக்குழு உறுப்பினர்
*The Pen நிறுவனத்தின் துணைத் தலைவர்
*ஸ்ரீ அரவிந்தர் ஆசிரம டெல்லிக் கிளையின் தலைவர்
*சாகித்ய அகாதெமி உறுப்பினர்
*சாகித்ய அகாதெமி துணைத்தலைவர்
*சாகித்ய அகாதெமி செயல் தலைவர்

==பதிப்பு==
கே.ஆர். ஸ்ரீநிவாஸ ஐயங்கார், பல நூல்களின் பதிப்பாசிரியராகச் செயல்பட்டார். ஆக்ஸ்போர்ட் பல்கலைக்கழகம், கே.ஆர். ஸ்ரீநிவாஸ ஐயங்காரைப் பதிப்பாசிரியராகக் கொண்டு ஆங்கிலக் கவிதைகள் நூலின் தொகுப்பை வெளியிட்டது.

==விருதுகள்==

*'ஸ்ரீ அன்னை: தி க்ரோனிகல் ஆஃப் எ மேனிஃபெஸ்டேஷன் அண்ட் மினிஸ்ட்ரி' (On the Mother: The Chronicle of a Manifestation and Ministry) நூலுக்கு சாகித்ய அகாதமி விருது (1980)
*'For the Sake of Honour' நூலுக்கு 'பபாசி' விருது (1983)
*காளிதாஸ் நாக் மெமோரியல் விருது (1990)
*பி.சி. ராய் விருது

==மறைவு==
கே. ஆர். ஸ்ரீநிவாச ஐயங்கார், ஏப்ரல் 15, 1999-ல், தனது 91-ம் வயதில் காலமானார்.
[[File:Book abt k.r.s.jpg|thumb|கே. ஆர். ஸ்ரீநிவாச ஐயங்கார் வாழ்க்கை வரலாறு]]

==ஆவணம்==
கே. ஆர். ஸ்ரீநிவாச ஐயங்காரின் வாழ்க்கை வரலாற்றை அவரது மகள் டாக்டர் பிரேமா நந்தகுமார் எழுதினார். சாகித்ய அகாதெமி நிறுவனம் அந்நூலை வெளியிட்டது.

==மதிப்பீடு==
கே. ஆர். ஸ்ரீநிவாச ஐயங்கார் ஆங்கில இலக்கியம், மொழிபெயர்ப்பு, திறனாய்வு, சொற்பொழிவு எனப் பல பிரிவுகளில் ஆய்வாளராகப் பங்களிப்புகளை அளித்தார். கலை, இலக்கியம், இந்திய நிர்வாகம், அரசியல், பொருளதாரம், அறிவியல் எனப் பல துறைகளில் பல கட்டுரைகளை, நூல்களை எழுதினார். இந்தோ ஆங்கில இலக்கிய ஆய்வின் முன்னோடிகளுள் ஒருவராக அறியப்படுகிறார். ஆங்கில இலக்கியப் படைப்புகள் குறித்த சிறந்த திறனாய்வாளராகவும், சிறந்த மொழிபெயர்ப்பாளராகவும் கே. ஆர். ஸ்ரீநிவாச ஐயங்கார் மதிப்பிடப்படுகிறார்.

==நூல்கள்==

======வாழ்க்கை வரலாறு======

* Sri Aurobindo: a biography and a history
*On the Mother: The Chronicle of a Manifestation and Ministry
*Swami Vivekananda and the Indian Renaissance
*S. Srinivasa Iyengar: A Decade of Indian Politics

======திறனாய்வு======

* Shakespeare: His World and His Art
*Indian Writing in English
*Lytton Strachey: A Critical Study
*Gerard Manley Hopkins: The Man and the Poet
*François Mauriac: Novelist and Moralist
*Rabindranath Tagore
*The Adventure of Criticism
*Dawn to Greater Dawn: Six Lectures on 'Savitri'
*Introduction to the Study of English Literature (in collaboration with Prema Nandakumar)

======கட்டுரை நூல்கள்====== 

*Mainly Academic: Talks to Students and Teachers
* Two Cheers for the Commonwealth: Talks on Literature and Education
*The Mind and Heart of Britain
*A Big Change: Talks on the Spiritual Revolution and the Future Man
*A New Deal for Our Universities

======உரை நூல்கள்====== 

*The Epic Beautiful: A Verse Rendering of the Sundara Kanda of Valmiki Ramayana
*Tryst with the Divine
*Microcosmographic Poetica
*Leaves from a Log: Fragments of a Journey
*Australia Helix: A Spiral of Verse Sequences
*Musings of Basava (in collaboration with S. S. Basawanal)

======பதிப்பு====== 

*Sri Aurobindo: A Centenary Tribute
*Guru Nanak: A Homage
*Indian Literature since Independence
*Essays and Addresses of C. R. Reddy
* Indian Writers in Council
*Drama in Modern India
*Asian Variations in Ramayana

==உசாத்துணை==

*K.R. Srinivasa Iyengar By Prema Nandakumar, Sahitya Akademi, Edition: 2008
*[https://www.amazon.in/Books-K-R-Srinivasa-Iyengar/s?rh=n%3A976389031%2Cp_27%3AK.R.Srinivasa+Iyengar கே. ஆர். ஸ்ரீநிவாச ஐயங்கார் நூல்கள், அமேசான் தளம்]
*[http://www.tamilonline.com/thendral/article.aspx?aid=15598 தென்றல் இதழ் கட்டுரை]
*[https://www.wisdomlib.org/concept/dr-k-r-srinivasa-iyengar Significance of Dr. K. R. Srinivasa Iyengar]
*[https://overmanfoundation.wordpress.com/2014/08/20/darshan-of-sri-aurobindo-by-dr-k-r-srinivasa-iyengar/ Darshan of Sri Aurobindo by Dr. K. R. Srinivasa Iyengar]
*[https://archive.org/details/in.ernet.dli.2015.537026 Sri Aurobindo(1945) Internet archives]
*[https://archive.org/details/indian-writing-in-english Indian writing in English Internet archives]
*[https://motherandsriaurobindo.in/disciples/k-r-srinivas-iyengar/books/on-the-mother/ On mother- K.R.Srinivasa Iyankar Internet Archives]
*[https://www.inspirajournals.com/uploads/Issues/1165190773.pdf K.R.Srinivasa Iyankar A doyan of Indian literature] 
*[https://www.jstor.org/stable/23342611 K.R.Srinivasa Iyankar A tribute]
*[https://jcla.in/wp-content/uploads/2020/10/K-R-SRINIVASA-IYENGAR-AUTOBIOGRAPHICAL.pdf Autobiographical K.R.Srinivasa Iyankar]
*[https://sahitya-akademi.gov.in/library/meettheauthor/k_r_srinivasa_iyengar.pdf கே.ஆர்.ஸ்ரீனிவாச ஐயங்கார் சாகித்ய அக்காதமி இதழ்]

{{Finalised}}
{{Fndt|08-Dec-2024, 09:20:56 IST}}

[[Category:Tamil Content]]